News / National
Abafundi balala endleleni yesikolo ngokudinwa ngoba befunda khatshana
3 hrs ago | Views
Izakhamizi ze Bafazi village eMzingwane zicela ukuphathiswa ukuqedisa ukwakhiwa kwesikolo se Thokozani Primary esasungulwa ngomnyaka ophelileyo.
Okwamanje isikolo lesi silendlu yokufundela eyodwa.
Sasungulwa ukuze siphathise abafundi ababehamba imango emide.
Sixoxisane losobhuku uLivison Ncube (59) oveze ukuthi okwanje isikolo lesi silabafundi be ECD A and ECD B.
"OGrade 1 kusiya phezulu bafunda eBayethe njalo kukhatshana lalapho abahlala khona."
UNcube ukhuthaze abatsha ukuthi baqoqane bacente esikolo ukuze igceke libukeke njalo benelise ukucela uncendo lokwakha ezinye izindlu zokufundela.
Sixoxisane njalo loLinos Mpofu (74), okhuthaze ukuthi abantu kumele basebenze esikolo ngoba abantwana bafunda khatshana.
"Izulu nxa lisina abantwana bachapha imifula emibili, bahamba umango omude ongange 10km besuka eBafazi besiya eBayethe,"watsho uMpofu.
ULuka Moyo, isakhamuzi, uthe abatsha kumele baqoqane badinge loluncedo njengoba yibo abalabantwana abafundayo.
UMoyo uthi ngelinye wathola umntwana okuECD elele endleleni esediniwe ngomango njalo esinye isakhamuzi laso sathi sake sabona umntwana ongu Grade 2 laye elele endleni ngomnyaka odlulileyo.
"Umntwana wathi efika esikolo, umbalisi wakhe wathi kaqale aphumule, uzamfundisa engafundisa abanye embona ukuthi ukhathele."
Okwamanje isikolo lesi silendlu yokufundela eyodwa.
Sasungulwa ukuze siphathise abafundi ababehamba imango emide.
Sixoxisane losobhuku uLivison Ncube (59) oveze ukuthi okwanje isikolo lesi silabafundi be ECD A and ECD B.
"OGrade 1 kusiya phezulu bafunda eBayethe njalo kukhatshana lalapho abahlala khona."
UNcube ukhuthaze abatsha ukuthi baqoqane bacente esikolo ukuze igceke libukeke njalo benelise ukucela uncendo lokwakha ezinye izindlu zokufundela.
Sixoxisane njalo loLinos Mpofu (74), okhuthaze ukuthi abantu kumele basebenze esikolo ngoba abantwana bafunda khatshana.
"Izulu nxa lisina abantwana bachapha imifula emibili, bahamba umango omude ongange 10km besuka eBafazi besiya eBayethe,"watsho uMpofu.
ULuka Moyo, isakhamuzi, uthe abatsha kumele baqoqane badinge loluncedo njengoba yibo abalabantwana abafundayo.
UMoyo uthi ngelinye wathola umntwana okuECD elele endleleni esediniwe ngomango njalo esinye isakhamuzi laso sathi sake sabona umntwana ongu Grade 2 laye elele endleni ngomnyaka odlulileyo.
"Umntwana wathi efika esikolo, umbalisi wakhe wathi kaqale aphumule, uzamfundisa engafundisa abanye embona ukuthi ukhathele."
Source - cite
