News / Local
UJesu sewabuya okwesibili, bathi wayethethe eKorea
05 Nov 2012 at 05:40hrs | Views
KULENDODA yeLobengula West ko Bulawayo esivule ibandla endlini yangakibo lapho abakhonza elinye inina elisesizweni se South Korea.
Lelibandla elibizwa ngokuthi yi-World Mission Society Church of God likholwa ukuthi uJesu wapgenduka okwesibili emhlabeni njalo wafikela elizweni le South Korea lapho aphila khona iminyaka angu 67 wasesifa wabuyela njalo ezulwini.
I-World Mission Society Church of God yasangulwa edolobheni le-Budang. khonale eSouth Korea ngomnyaka ka 1964 njalo lapha koNtuthu liqale ngomnyaka ophelileyo.
Ibandla leli kubikwa lithi uJesu lo ibizo lakha lingu Ahn Sahng Hong (umsindisi) ulomkakhe okuthiwa ngunkulunkulu wesifazana (God the Mother), Zahng Gil-Jah oleminyaka engu-70 yokuzalwa.
Ujesu wabo lo kubikwa wazalwa agonyaka ka 1918 njalo waqala ukutshumayela ago 1948 waze wabhubha ngol985 lapho abathi wahle wenyuka wabuyela ezulwini.
Iphephandaba leli lizwe njalo ukuthi lelibandla okwamanje likhokhelwa nguye lumkajesu ongunkulunkulu wesifazane.
Kubikwa ngemva kokufa kukajesu lo watshiya umkakhe ekhokhela abantwabakhe yikho nje lamuhla ibandla leli likhonza yena,
Intatheli zephephandaba leli ngemva kokuzwa ngodletshana lwebandla leli zivakatshe kwenye inKonzo yebandla leli elokitshini leLobengula West.
Kulinkonzo bekulabontanga okubikwa bengamalunga a lelibandla abafika phose itshumi kanye lomfundisi wabo uMnumzana James Mukakatanwa.
Ixekanyana labazalwane laba liqale lahlabela ingoma ezimbalwa kwesinye isihlabelelo njalo lezingoma ezidumisa kakhulukazi unkulunkulu wesifazane uGil Jah.
Amantombazana abefake amaveyili emakhanda ngoba kubikwa kulihlazo ukuthi owesifazana akhonze engafakanga lutho ekhanda.
Abantu bake bathula cwaka okwesikhatshana bevale amehlo ngoba kubikwa bebekhuluma lave uGil-Jah oseSouth Korea.
Babuye benza omunye umthandazo ngolimi lwezizalwane zeKorea okubikwa bawunikwa linina leli,
Umfundisi walelibandla, uMnu Mukakatanwa uveze ukuthi ibandla leli likhangelele ukuqheliswa indawana zooke zakoBulawayo ukuze abantu basindiswe.
"Ibandla leli okwakhathesi lisesigodlweni seHarare lakoNtuthu lapho eliqale khona nyakenye kodwa sisanxusa abalandeli ukuze likhule.
"Sikholwa ukuthi ujesu wabaya okwesibili wenyukela njalo ezulwini ngol985. Sikholwa futhi kunkulunkulu wesifazane ngoba ngemvelo nxa kulobaba osezulwini kutsho ukuthi kulomama osezulwini futhi.
"Umama a Gil-Jah (abathi ngumama osezulwini) ukhona lapha emhlabeni njalo uhlala eSouih Korea lapho okudabuka khona ibandla le-Church of God," kulandisa uMnu Mukakatanwa.
Ibandla leli likholwa ukuthi uMlimu wathi edala umuntu ngomfanekiso wakhe njengokulotshwe encwadini kaGenesisi eBhayibhelini, wayelomunye unkulunkulu wesifazane.
"Abantu bakwazi unkulunkulu onguBaba kodwa ongumama kabamazi. UAdamu wadalwa ngomfanekiso kaBaba osezulwini ngokufanayo uEva laye wadalwa ngomfanekiso kamama yena ophila phakathi kwethu njalo eseKorea.
"Kumele abantu bakoBulawayo balazi leliqiniso njalo ophikisana lalo uzakutsha ethandweni lomlilo wesihogo. Ubaba angeke aphile kungekho umama njalo ngabe umama ongunkulunkulu kakho ngabe umlimu asimbizi sisithi baba," kutsho umfundisi Mukakatanwa etshumayela phambili kwabazalwane.
Ubuye wathi abanye abafundisi labaphurofethi bamanye amabandla ezokholo basemnyameni njalo bakhohlisa abantu.
"Ngiyakwazi ukuthi kunzima ukuthi abantu bakuzwisise lokhu kodwa ngokuza kwesikhathi bazakuzwisisa. Abanye bathi sikhonza usathane, kodwa akusimangalisi ngoba lojesu esahamba emhlabeni ngokuza kwakhe kwakuqala babemthuka njalonje. Thina asithuki muntu kodwa sithanda wonke umuntu njengokufundiswa ngumama wethu ongunkulunkulu," kutsho umfundisi.
Omunye umzalwane oziveze ngokuthi nguNkosazana Lorraine Ncube owaphenduka kulelibandla iloba wayengena elinye ibandla elisedolobheni uthe khathesi usevuleke amehlo njalo iqiniso uselazi.
"Mina ngilesiqiniseko esikhulu esokuthi intshumayelo yebandla leli iliqiniso elipheleleyo.
"Lelibandla liyabala ibhayibhili njalo imbuzo yonke umuntu angafuna ukuyazi ngonkulunkulu abafundisi balo balakho ukuyiphendula.
"Ekuqaleni kwakunzima ukuthi abantu bangizwisise kanye lasemulini kodwa khathesi sebelwamukele ukholo lwami," kutsho uNkszn Ncube,
Kubikwa unkulunkulu lo owesifazane uyazazi zonke indimi ezisemhlabeni kanye lezakuleli ezifana lesiNdebele, Tonga kanye lesiShona. Kubikwa uyazizwa iloba eyabe engenelisi ukuzikhuluma.
Iminikelo yalelibandla kubikwa ayithintwa njalo ihanjiswa khonale eSouth Korea.
Ibandla leli kubikwa liyagcina usuku lweSabatha kukanti futhi eGoli likhona njalo kubikwa inkulungwane zabantu zijayele ukulubhekisa khonale eSouth Korea ukuyabona lumama ongunkulunkulu wabo.
Lelibandla kubikwa lisemazweni adlula i-150 njalo lilamalunga edlula amamiliyoni amabili.
Lelibandla elibizwa ngokuthi yi-World Mission Society Church of God likholwa ukuthi uJesu wapgenduka okwesibili emhlabeni njalo wafikela elizweni le South Korea lapho aphila khona iminyaka angu 67 wasesifa wabuyela njalo ezulwini.
I-World Mission Society Church of God yasangulwa edolobheni le-Budang. khonale eSouth Korea ngomnyaka ka 1964 njalo lapha koNtuthu liqale ngomnyaka ophelileyo.
Ibandla leli kubikwa lithi uJesu lo ibizo lakha lingu Ahn Sahng Hong (umsindisi) ulomkakhe okuthiwa ngunkulunkulu wesifazana (God the Mother), Zahng Gil-Jah oleminyaka engu-70 yokuzalwa.
Ujesu wabo lo kubikwa wazalwa agonyaka ka 1918 njalo waqala ukutshumayela ago 1948 waze wabhubha ngol985 lapho abathi wahle wenyuka wabuyela ezulwini.
Iphephandaba leli lizwe njalo ukuthi lelibandla okwamanje likhokhelwa nguye lumkajesu ongunkulunkulu wesifazane.
Kubikwa ngemva kokufa kukajesu lo watshiya umkakhe ekhokhela abantwabakhe yikho nje lamuhla ibandla leli likhonza yena,
Intatheli zephephandaba leli ngemva kokuzwa ngodletshana lwebandla leli zivakatshe kwenye inKonzo yebandla leli elokitshini leLobengula West.
Kulinkonzo bekulabontanga okubikwa bengamalunga a lelibandla abafika phose itshumi kanye lomfundisi wabo uMnumzana James Mukakatanwa.
Ixekanyana labazalwane laba liqale lahlabela ingoma ezimbalwa kwesinye isihlabelelo njalo lezingoma ezidumisa kakhulukazi unkulunkulu wesifazane uGil Jah.
Amantombazana abefake amaveyili emakhanda ngoba kubikwa kulihlazo ukuthi owesifazana akhonze engafakanga lutho ekhanda.
Abantu bake bathula cwaka okwesikhatshana bevale amehlo ngoba kubikwa bebekhuluma lave uGil-Jah oseSouth Korea.
Babuye benza omunye umthandazo ngolimi lwezizalwane zeKorea okubikwa bawunikwa linina leli,
Umfundisi walelibandla, uMnu Mukakatanwa uveze ukuthi ibandla leli likhangelele ukuqheliswa indawana zooke zakoBulawayo ukuze abantu basindiswe.
"Ibandla leli okwakhathesi lisesigodlweni seHarare lakoNtuthu lapho eliqale khona nyakenye kodwa sisanxusa abalandeli ukuze likhule.
"Sikholwa ukuthi ujesu wabaya okwesibili wenyukela njalo ezulwini ngol985. Sikholwa futhi kunkulunkulu wesifazane ngoba ngemvelo nxa kulobaba osezulwini kutsho ukuthi kulomama osezulwini futhi.
"Umama a Gil-Jah (abathi ngumama osezulwini) ukhona lapha emhlabeni njalo uhlala eSouih Korea lapho okudabuka khona ibandla le-Church of God," kulandisa uMnu Mukakatanwa.
Ibandla leli likholwa ukuthi uMlimu wathi edala umuntu ngomfanekiso wakhe njengokulotshwe encwadini kaGenesisi eBhayibhelini, wayelomunye unkulunkulu wesifazane.
"Abantu bakwazi unkulunkulu onguBaba kodwa ongumama kabamazi. UAdamu wadalwa ngomfanekiso kaBaba osezulwini ngokufanayo uEva laye wadalwa ngomfanekiso kamama yena ophila phakathi kwethu njalo eseKorea.
"Kumele abantu bakoBulawayo balazi leliqiniso njalo ophikisana lalo uzakutsha ethandweni lomlilo wesihogo. Ubaba angeke aphile kungekho umama njalo ngabe umama ongunkulunkulu kakho ngabe umlimu asimbizi sisithi baba," kutsho umfundisi Mukakatanwa etshumayela phambili kwabazalwane.
Ubuye wathi abanye abafundisi labaphurofethi bamanye amabandla ezokholo basemnyameni njalo bakhohlisa abantu.
"Ngiyakwazi ukuthi kunzima ukuthi abantu bakuzwisise lokhu kodwa ngokuza kwesikhathi bazakuzwisisa. Abanye bathi sikhonza usathane, kodwa akusimangalisi ngoba lojesu esahamba emhlabeni ngokuza kwakhe kwakuqala babemthuka njalonje. Thina asithuki muntu kodwa sithanda wonke umuntu njengokufundiswa ngumama wethu ongunkulunkulu," kutsho umfundisi.
Omunye umzalwane oziveze ngokuthi nguNkosazana Lorraine Ncube owaphenduka kulelibandla iloba wayengena elinye ibandla elisedolobheni uthe khathesi usevuleke amehlo njalo iqiniso uselazi.
"Mina ngilesiqiniseko esikhulu esokuthi intshumayelo yebandla leli iliqiniso elipheleleyo.
"Lelibandla liyabala ibhayibhili njalo imbuzo yonke umuntu angafuna ukuyazi ngonkulunkulu abafundisi balo balakho ukuyiphendula.
"Ekuqaleni kwakunzima ukuthi abantu bangizwisise kanye lasemulini kodwa khathesi sebelwamukele ukholo lwami," kutsho uNkszn Ncube,
Kubikwa unkulunkulu lo owesifazane uyazazi zonke indimi ezisemhlabeni kanye lezakuleli ezifana lesiNdebele, Tonga kanye lesiShona. Kubikwa uyazizwa iloba eyabe engenelisi ukuzikhuluma.
Iminikelo yalelibandla kubikwa ayithintwa njalo ihanjiswa khonale eSouth Korea.
Ibandla leli kubikwa liyagcina usuku lweSabatha kukanti futhi eGoli likhona njalo kubikwa inkulungwane zabantu zijayele ukulubhekisa khonale eSouth Korea ukuyabona lumama ongunkulunkulu wabo.
Lelibandla kubikwa lisemazweni adlula i-150 njalo lilamalunga edlula amamiliyoni amabili.
Source - uMthunywa
