News / Local
Umfana (11) untshontsha i $24 000
07 Nov 2012 at 05:52hrs | Views
UTHANDO Iwemali alulamngcele, nanko phela kulomntwana oleminyaka elitshumi lanye (11), otshiye izakhamizi zeHope Fountain zitshe amathe ngokutshontsha imali angange $24 000, kanye lempahla ezigoqela ama camera lezigqoko, uMthunywa ukuzwile lokhu.
Isehlakalo lesi senzakale ngoMvulo ngeviki edluleyo epulazini leChipchase elaziwa kakhulu ngokuthi kukoMaClean, lapho okubikwa umsolwa lomntwana kamakhelwane babulala ifasiteia yendlu yeloja elalihlala endlini engamuva, batshontsha impahla kanye lemali leyo.
Iphephandaba likazulu lizwe ukuba abantwana laba bahamba bayakupha unina kamsolwa owafihla imali leyo. Abazali babantwana laba babesebenzela uMaclean.
"Laba ababili banika unina kamsolwa (ibizo silalo) imali lempahla zonke, yena owafihla imali waze wafihlela lomkakhe. Ngizwa njalo ukuthi unina kayenalo wabiza umakhelwane wamkhiphela i-$100 wamtshela ukuthi abantwana babedobhe imali" kutsho isakhamuzi esizibike njengo maNgwenya.
Eyinye kubikwa wathenga ama-groceries, ama drum otshwala kanye lezikhwama ezimbili ezigcwele impahla.
Kuzwakale njalo ukuthi inina leli lalitshele umkalo ukuthi imali liyithunyezelwe nguyise wabanye abantwabalo abangayisibo bomkakhe, okwamenza wemukela imali leyo.
Icala lavumbuluka ngemva kokuba omunye umlungu otshontshelweyo ebone umntwana lo egqoke izicathulo ezakhe wabikela amapholisa. NgoLwesine kube yisiphithiphithi kulindawo imuli zabasolwa sezibuthwa ngamapholisa.
Umndeni kamakhelwane watholakala ingelacala wabuyela ngekhaya.
"Umntakamakhelwane sambona ngoLwesine esezulazula wasitshela ukuthi umntwana owayebanjwe elecala ngomunye wakhona (ibizo silalo)," kutsho uMnumzana Bekezela Ncube.
Bevela emapholiseni kubikwa uMnu Maclean waxotsha imindeni leyo njalo uyise kamsolwa usedliwe ngumswenya.
Isikhulumi samapholisa sakoBulawayo ulnspector Mandlenkosi Moyo uvumile ukuthi balwamukele udaba lolu njalo selusemthethwandaba.
Kubikwa icala leli lingene ngoLwesithathu kuliviki emthethwandaba wakoBulawavo.
Isehlakalo lesi senzakale ngoMvulo ngeviki edluleyo epulazini leChipchase elaziwa kakhulu ngokuthi kukoMaClean, lapho okubikwa umsolwa lomntwana kamakhelwane babulala ifasiteia yendlu yeloja elalihlala endlini engamuva, batshontsha impahla kanye lemali leyo.
Iphephandaba likazulu lizwe ukuba abantwana laba bahamba bayakupha unina kamsolwa owafihla imali leyo. Abazali babantwana laba babesebenzela uMaclean.
"Laba ababili banika unina kamsolwa (ibizo silalo) imali lempahla zonke, yena owafihla imali waze wafihlela lomkakhe. Ngizwa njalo ukuthi unina kayenalo wabiza umakhelwane wamkhiphela i-$100 wamtshela ukuthi abantwana babedobhe imali" kutsho isakhamuzi esizibike njengo maNgwenya.
Eyinye kubikwa wathenga ama-groceries, ama drum otshwala kanye lezikhwama ezimbili ezigcwele impahla.
Kuzwakale njalo ukuthi inina leli lalitshele umkalo ukuthi imali liyithunyezelwe nguyise wabanye abantwabalo abangayisibo bomkakhe, okwamenza wemukela imali leyo.
Icala lavumbuluka ngemva kokuba omunye umlungu otshontshelweyo ebone umntwana lo egqoke izicathulo ezakhe wabikela amapholisa. NgoLwesine kube yisiphithiphithi kulindawo imuli zabasolwa sezibuthwa ngamapholisa.
Umndeni kamakhelwane watholakala ingelacala wabuyela ngekhaya.
"Umntakamakhelwane sambona ngoLwesine esezulazula wasitshela ukuthi umntwana owayebanjwe elecala ngomunye wakhona (ibizo silalo)," kutsho uMnumzana Bekezela Ncube.
Bevela emapholiseni kubikwa uMnu Maclean waxotsha imindeni leyo njalo uyise kamsolwa usedliwe ngumswenya.
Isikhulumi samapholisa sakoBulawayo ulnspector Mandlenkosi Moyo uvumile ukuthi balwamukele udaba lolu njalo selusemthethwandaba.
Kubikwa icala leli lingene ngoLwesithathu kuliviki emthethwandaba wakoBulawavo.
Source - uMthunywa
