News / Local
Bathenga ufudu ngenkomo ezimnyama ezingu 7
07 Oct 2015 at 14:46hrs | Views
uMnumzana Lameck Mpofu
KULEMULI yakoMpofu eJongela eNkayi esele izidla amathambo engqondo ngemva kokuvunjululwa kofudu obehlala exhibeni lamankazana ngenhloso yokubulala abantwana emulini le, uMthunywa ukuzwile lokhu.
ULameck Mpofu ohlala ngaphansi kwenduna uNkalakatha lumtshaye lwameqa uvalo esizwa ukuthi kulofudu olwatshiywa ngesinye isihlobo endlini elala umntanakhe oyinkazana.
Kubikwa ufudu lo ubelukhangelelwe ukuthi adle abantwana bakaMnu Mpofu.
UMthunywa uzwe ukuthi ufudu lo wathengwa ngenkomo eziyisikhombisa ezimnyama andubana athunywe koMpofu.
Intatheli ikhulumisane lesinye isakhamuzi uMnumzana Ndodana Moyo oveze ukuthi ufudu balubona lukhitshwa.
"Indaba le ekhulunywayo iliqiniso njalo iyaphila ngoba bakhupha wonke umuntu ekhangele. Bakubeka sobala ukuthi ufudu ubulala abantwana bakaMpofu ngoba unatha igazi labo.
"Ufudu lo kwavezwa njalo ukuthi ufuna ukuthanyela imuli yonke kaMnu Mpofu. Okwasimangalisayo yikuthi bala ukuveza umnikazi walo bathi ngowosendo lwakoMpofu," kulandisa uMnu Moyo.
Abasiki bebunda baveze ukuthi ufudu lo owathinywa ngabaphurofethi beZiyoni watholakala ekhuluma samuntu sebanjiwe esithi;
"Beliyengaphi abantu befuna ukungibulala lithi ngiyengaphi mina ngathengwa ngeziloboya obumnyama, angizibuyelanga lapha kodwa lamuhla selingixotsha. Angiphumi lapha, lingadlala kubi omunye uzangena phansi.
"Mina ngilande ukuzosebenza Mpofu izihlobo zakho zimi njalo ziqinile ngami," ngamazwi ayephuma kufudu lo ekhuluma emzini kaMpofu.
Omunye umfakazi okhulume lephephandaba likazulu ugogo uLindiwe Tshabalala ubike ukuthi ufudu lo ubesegulisa abantu kulowomuzi.
"Into ebihlupha kakhulu yikuthi uMnu Mpofu ubehlala engolele phansi umzimba ubhuhlungu. Unkosikazi wakhe wesibili waze wabaleka watshiya umendo ngoba ehlutshwa yinto le esimdlele abantwana.
Intatheli ikhulumisane lomunye wamakhosikazi kaMnu Mpofu, uNkosazana Mildred Mpofu ochaze ukuthi lokhu abaqalisi ukukuzwa.
"Besesibhode saze sadinwa kubaphurofethi sizama ukulungisa iguma lethu ngoba kuthiwa kulento esihlala layo kodwa besehluleka ukuyikhipha.
"AmaZiyoni la aveza ukuthi ufudu lo ubethi angakhipha ikhanda phandle ubaba agule, angalibisela kufe umuntu. Into le bakubeka sobala ukuthi ngeyosendo lukababa abayibeka ekhaya engakwazi," kutsho uNkszn Mpofu.
Ekhuluma lentatheli uMnu Mpofu ubike ukuthi ufudu solwabulala abantwabakhe abayisithupha.
"Baluthiya ngelanga elilodwa kwathi ntambama balukhipha endlini eyayilala umntanami oyinkazana, lwalumenza angayindawo angadingi lomsebenzi njalo abalekelwe ngamajaha.
"Ufudu lo kuthiwa khathesi beselufuna ukubulala mina ngoba kuthiwa ngihlakaniphe kakhulu. Okwakhathesi sengingcono lokugula. Okokuthi ngolwami asiloqiniso, amaZiyoni aveza ukuthi ngolosendo lwakithi," kuphetha uMnu Mpofu.
umthunywa
ULameck Mpofu ohlala ngaphansi kwenduna uNkalakatha lumtshaye lwameqa uvalo esizwa ukuthi kulofudu olwatshiywa ngesinye isihlobo endlini elala umntanakhe oyinkazana.
Kubikwa ufudu lo ubelukhangelelwe ukuthi adle abantwana bakaMnu Mpofu.
UMthunywa uzwe ukuthi ufudu lo wathengwa ngenkomo eziyisikhombisa ezimnyama andubana athunywe koMpofu.
Intatheli ikhulumisane lesinye isakhamuzi uMnumzana Ndodana Moyo oveze ukuthi ufudu balubona lukhitshwa.
"Indaba le ekhulunywayo iliqiniso njalo iyaphila ngoba bakhupha wonke umuntu ekhangele. Bakubeka sobala ukuthi ufudu ubulala abantwana bakaMpofu ngoba unatha igazi labo.
"Ufudu lo kwavezwa njalo ukuthi ufuna ukuthanyela imuli yonke kaMnu Mpofu. Okwasimangalisayo yikuthi bala ukuveza umnikazi walo bathi ngowosendo lwakoMpofu," kulandisa uMnu Moyo.
Abasiki bebunda baveze ukuthi ufudu lo owathinywa ngabaphurofethi beZiyoni watholakala ekhuluma samuntu sebanjiwe esithi;
"Beliyengaphi abantu befuna ukungibulala lithi ngiyengaphi mina ngathengwa ngeziloboya obumnyama, angizibuyelanga lapha kodwa lamuhla selingixotsha. Angiphumi lapha, lingadlala kubi omunye uzangena phansi.
Omunye umfakazi okhulume lephephandaba likazulu ugogo uLindiwe Tshabalala ubike ukuthi ufudu lo ubesegulisa abantu kulowomuzi.
"Into ebihlupha kakhulu yikuthi uMnu Mpofu ubehlala engolele phansi umzimba ubhuhlungu. Unkosikazi wakhe wesibili waze wabaleka watshiya umendo ngoba ehlutshwa yinto le esimdlele abantwana.
Intatheli ikhulumisane lomunye wamakhosikazi kaMnu Mpofu, uNkosazana Mildred Mpofu ochaze ukuthi lokhu abaqalisi ukukuzwa.
"Besesibhode saze sadinwa kubaphurofethi sizama ukulungisa iguma lethu ngoba kuthiwa kulento esihlala layo kodwa besehluleka ukuyikhipha.
"AmaZiyoni la aveza ukuthi ufudu lo ubethi angakhipha ikhanda phandle ubaba agule, angalibisela kufe umuntu. Into le bakubeka sobala ukuthi ngeyosendo lukababa abayibeka ekhaya engakwazi," kutsho uNkszn Mpofu.
Ekhuluma lentatheli uMnu Mpofu ubike ukuthi ufudu solwabulala abantwabakhe abayisithupha.
"Baluthiya ngelanga elilodwa kwathi ntambama balukhipha endlini eyayilala umntanami oyinkazana, lwalumenza angayindawo angadingi lomsebenzi njalo abalekelwe ngamajaha.
"Ufudu lo kuthiwa khathesi beselufuna ukubulala mina ngoba kuthiwa ngihlakaniphe kakhulu. Okwakhathesi sengingcono lokugula. Okokuthi ngolwami asiloqiniso, amaZiyoni aveza ukuthi ngolosendo lwakithi," kuphetha uMnu Mpofu.
umthunywa
Source - uMthunywa
