News / Regional
Umfelokazi uhlanyiswa nguBen 10
01 Aug 2015 at 07:25hrs | Views
IZAKHAMIZI zesiqintini seSomgolo eLupane zinathisana itiye ngesenzo somunye umfelokazi omiswe phambi kukasobhuku esetheswa icala lokuthandana loBen 10.
Kuzwakale ukuthi uNkosazana Sitheni Tshuma (39) ohlala ngaphansi kukasobhuku uAlbert Moyo ubesehlanyisana loSisani Gakata Nyathi (22) andubana babizwe enkundleni kasobhuku ngoLwesithathu kuviki ephelileyo.
Kubikwa uNkszn Tshuma lo wabhujelwa ngumkakhe ngenyanga kaNkwenkwezi kuwonalo umnyaka.
Iphephandaba likazulu lizwe ukuba inina leli ngemva kokubhujelwa ngumkalo layazendisa kuNyathi okwabangela ukuthi abakwabozala bayelimangalela kusobhuku ukuthi wayeseqe umuyi yena ezilile.
UMthunywa ukhulumisane loMnumzana Handsome Moyo, omunye wezakhamizi ezazikhona kuthoniswa icala leli wachaza ukuthi uNkszn Tshuma wavuma ukuthi uthandana loNyathi andubana bathembisane ukuthathana enkundleni.
"Inkundla yonke yasala inkemile uMaTshuma eveza ukuthi uyamthanda uNyathi njalo baqala ukuthandana umkakhe engakafi.
"Waphinda wathi wahamba wayakwenda ngoba abakwabozala bengamncedisi ngitsho ukondla abantwana," kuchaza uMnu Moyo.
UNyathi laye kuzwakale ukuthi ebuzwa ngokuthandana kwabo loNkszn Tshuma waveza ukuthi uzimisele ukumthatha usomoya wakhe.
"Mina uMaTshuma ngiyamthanda njalo ngizimisele ukumthatha nxa abakoJubane bevuma. Nxa induna ivuma ukuthi ngihlawuliswe ngizahlawula ngemva kwalokho ngimthathe," kutsho uMnu Nyathi.
UMthunywa wenelise njalo ukukhuluma loNkszn Tshuma waveza ukuthi uyathandana loNyathi.
"Mina ngavuma ukuthi ngiphilisana loNyathi njalo okwenza ngenze njalo yikuthi ngidinga umuntu ongangincedisa ukuze ngondle abantwabami njengoba abakoJubane bengangincedisi ngalutho," kubika uNkszn Tshuma.
Usobhuku wakule indawo uMnu Moyo uchaze ukuthi icala leli lidluliselwe phambili ngoba engelawo amandla okugweba umuntu esigabeni.
"Njengoba abakoJubane besithi bafuna ukugeziswa ngenkomo mina angilamandla okugweba umuntu ngakho ngibatshele ukuthi kungcono icala leli liyebikelwa induna uMabhikwa ngoba yiyo elamandla yokwenza isinqumo lesi," kuphetha uMnu Moyo.
Kuzwakale ukuthi uNkosazana Sitheni Tshuma (39) ohlala ngaphansi kukasobhuku uAlbert Moyo ubesehlanyisana loSisani Gakata Nyathi (22) andubana babizwe enkundleni kasobhuku ngoLwesithathu kuviki ephelileyo.
Kubikwa uNkszn Tshuma lo wabhujelwa ngumkakhe ngenyanga kaNkwenkwezi kuwonalo umnyaka.
Iphephandaba likazulu lizwe ukuba inina leli ngemva kokubhujelwa ngumkalo layazendisa kuNyathi okwabangela ukuthi abakwabozala bayelimangalela kusobhuku ukuthi wayeseqe umuyi yena ezilile.
UMthunywa ukhulumisane loMnumzana Handsome Moyo, omunye wezakhamizi ezazikhona kuthoniswa icala leli wachaza ukuthi uNkszn Tshuma wavuma ukuthi uthandana loNyathi andubana bathembisane ukuthathana enkundleni.
"Inkundla yonke yasala inkemile uMaTshuma eveza ukuthi uyamthanda uNyathi njalo baqala ukuthandana umkakhe engakafi.
UNyathi laye kuzwakale ukuthi ebuzwa ngokuthandana kwabo loNkszn Tshuma waveza ukuthi uzimisele ukumthatha usomoya wakhe.
"Mina uMaTshuma ngiyamthanda njalo ngizimisele ukumthatha nxa abakoJubane bevuma. Nxa induna ivuma ukuthi ngihlawuliswe ngizahlawula ngemva kwalokho ngimthathe," kutsho uMnu Nyathi.
UMthunywa wenelise njalo ukukhuluma loNkszn Tshuma waveza ukuthi uyathandana loNyathi.
"Mina ngavuma ukuthi ngiphilisana loNyathi njalo okwenza ngenze njalo yikuthi ngidinga umuntu ongangincedisa ukuze ngondle abantwabami njengoba abakoJubane bengangincedisi ngalutho," kubika uNkszn Tshuma.
Usobhuku wakule indawo uMnu Moyo uchaze ukuthi icala leli lidluliselwe phambili ngoba engelawo amandla okugweba umuntu esigabeni.
"Njengoba abakoJubane besithi bafuna ukugeziswa ngenkomo mina angilamandla okugweba umuntu ngakho ngibatshele ukuthi kungcono icala leli liyebikelwa induna uMabhikwa ngoba yiyo elamandla yokwenza isinqumo lesi," kuphetha uMnu Moyo.
Source - umthunywa
