Opinion / Columnist
Indlela amadlozi abonakala ngayo - amaphupho
12 Apr 2013 at 13:34hrs | Views
Amaphupho ngenye yendlela amadlozi aziveza ngayo kulabo abaseduze lawo. (Vilakazi. 1986 : 14). Lendlela yokuziveza kwamadlozi ibukeka inhle kakhulu ngoba idlozi liletha umbiko kumuntu oqondene lawo ngqo. Lokhu kuphinde kusize ekutheni amadlozi adlulisa izifiso zawo kwabaphilayo kungadingeki lokuthi kuze kuthunywe abantu ukuthi bayozwa ezangomeni.
Lapha ophuphayo ulibona idlozi lelo njengoba elazi ligqoke iziqgoko ezejwayekileyo likhuluma laye njengoba lalenza lisaphila. (Msimang. 1991: 22). Lokhu kutsho ukuthi nxa liziveza idlozi kulowomuntu ophuphayo lifika liyileso simo elaliyiso lisaphila. Amadlozi ngesinye isikhathi afaniswa lezingilosi ngokwenkolo yobuKrestu ngenxa yezenzo zawo.
(Makhathini. 1965: 4).
Nxa abantu bebuka isimo samadlozi abo abanye bagcina sebewabona njenge zingelosi. Leli bizo lande kakhulu enkolweni yobuKrestu. Ibizo lokuthi ingilosi lisebenza ngoba abantu basuke bebone imisebenzi emihle eyenziwe ngamadlozi. Nxa ugula kakhulu, kwesinye iskhathi uphupha ukhulu wakho osewabhubha. Kuthi kusisa ungaselazo inhlungu lokugula. Nxa kusenzeka ngalendlela akekho ongakuvimba nxa ubiza ukhulu wakho ngengilosi ngenxa yesenzo sakhe esihle sokukwelapha.
Nxa idlozi livakashela umuntu ngephupho lisebenzisa lezindlela ezilandelayo: eyokuthinta, eyokuzwa, eyokunambitha leyokubona.(Berglund. 1975: 98). Nxa umuntu kade ephupha idlozi ubonakala ngokuvuka enambitha ngoba idlozi lingena ngomlomo. Nxa kungena into emlonyeni umuntu uyanambitha kodwa ukuze lelodlozi libonakale ukuthi lingubani. Liya emehlweni womuntu ophuphayo. Idlozi liphinde liqhubekela ezindlebeni ukuze uzwe lokho elikutshoyo.
Nxa umuntu elele kusuke kufana lokuthi ufile. Yikho uSomandla edunyiswa lapho kulalwa, aphinde adunyiswe akuseni. Lapho umuntu evuka kubuhlungu amahlombe uye abone ukuthi ubevakatshelwe ngamadlozi. Kwesinye isikhathi idlozi likugwaza emahlombe. ngoba lifuna ungakhohlwa lokho elikutshele khona. Lokhu likwenza ngoba akulula ukuthi umuntu akhohlwe into ebuhlungu.
Abantu abadala abalolwazi olujulileyo bamane bazibonele nxa kukhona ofikelwe yikonakala wadlala ngedlozi. Lokhu bakubona ngendlela idlozi elifika ngayo emaphutsheni engenhle. Kungcinwa sekubizwa inyanga ezolungisa lokho konakala. Lenyanga Ililungisa ngokukhipha imithi yayo eyayikhonjiswa ngokhokho bayo mhla beyinika lomsebenzi. Okuqakathekileyo okumele abantu bakuqondisise yikuthi akusiwo wonke amaphupho athunyelwa ngamadlozi.
-----------------
[UVelempini Ndlovu yintatheli yezindaba ezimele. Ubhala eseJohannesburg, South Africa. veapndlovu@gmail.com] 0768297234
Lapha ophuphayo ulibona idlozi lelo njengoba elazi ligqoke iziqgoko ezejwayekileyo likhuluma laye njengoba lalenza lisaphila. (Msimang. 1991: 22). Lokhu kutsho ukuthi nxa liziveza idlozi kulowomuntu ophuphayo lifika liyileso simo elaliyiso lisaphila. Amadlozi ngesinye isikhathi afaniswa lezingilosi ngokwenkolo yobuKrestu ngenxa yezenzo zawo.
(Makhathini. 1965: 4).
Nxa abantu bebuka isimo samadlozi abo abanye bagcina sebewabona njenge zingelosi. Leli bizo lande kakhulu enkolweni yobuKrestu. Ibizo lokuthi ingilosi lisebenza ngoba abantu basuke bebone imisebenzi emihle eyenziwe ngamadlozi. Nxa ugula kakhulu, kwesinye iskhathi uphupha ukhulu wakho osewabhubha. Kuthi kusisa ungaselazo inhlungu lokugula. Nxa kusenzeka ngalendlela akekho ongakuvimba nxa ubiza ukhulu wakho ngengilosi ngenxa yesenzo sakhe esihle sokukwelapha.
Nxa idlozi livakashela umuntu ngephupho lisebenzisa lezindlela ezilandelayo: eyokuthinta, eyokuzwa, eyokunambitha leyokubona.(Berglund. 1975: 98). Nxa umuntu kade ephupha idlozi ubonakala ngokuvuka enambitha ngoba idlozi lingena ngomlomo. Nxa kungena into emlonyeni umuntu uyanambitha kodwa ukuze lelodlozi libonakale ukuthi lingubani. Liya emehlweni womuntu ophuphayo. Idlozi liphinde liqhubekela ezindlebeni ukuze uzwe lokho elikutshoyo.
Nxa umuntu elele kusuke kufana lokuthi ufile. Yikho uSomandla edunyiswa lapho kulalwa, aphinde adunyiswe akuseni. Lapho umuntu evuka kubuhlungu amahlombe uye abone ukuthi ubevakatshelwe ngamadlozi. Kwesinye isikhathi idlozi likugwaza emahlombe. ngoba lifuna ungakhohlwa lokho elikutshele khona. Lokhu likwenza ngoba akulula ukuthi umuntu akhohlwe into ebuhlungu.
Abantu abadala abalolwazi olujulileyo bamane bazibonele nxa kukhona ofikelwe yikonakala wadlala ngedlozi. Lokhu bakubona ngendlela idlozi elifika ngayo emaphutsheni engenhle. Kungcinwa sekubizwa inyanga ezolungisa lokho konakala. Lenyanga Ililungisa ngokukhipha imithi yayo eyayikhonjiswa ngokhokho bayo mhla beyinika lomsebenzi. Okuqakathekileyo okumele abantu bakuqondisise yikuthi akusiwo wonke amaphupho athunyelwa ngamadlozi.
-----------------
[UVelempini Ndlovu yintatheli yezindaba ezimele. Ubhala eseJohannesburg, South Africa. veapndlovu@gmail.com] 0768297234
Source - Velempini Ndlovu
All articles and letters published on Bulawayo24 have been independently written by members of Bulawayo24's community. The views of users published on Bulawayo24 are therefore their own and do not necessarily represent the views of Bulawayo24. Bulawayo24 editors also reserve the right to edit or delete any and all comments received.
