Opinion / Columnist
Kungenxa kabani?
04 Feb 2015 at 10:55hrs | Views
"Njengoba umkhwenyana ezovela kusasa bekungaba njani ahle aziswe ukuthi uSiphiwe ulomntwana ngoba engazizwela akulanto ezakubanhle, ngithemba lisakhumbula okwenzakala koMlotshwa," kutsho uDlamini.
"Lapha baba usufuna ukuphambanisela umntwana umendo wakhe kuhle ukuthi angatshelwa ngoba umkhwenyana angavele abekwazi uyahle engamthathi uSiphiwe, kambe singaphika ngalokho phela abantwana bonke bangagugela ekhaya, lokho okwenzakala koMlotshwa kwakungokwakhonangale ungakhohlwa ukuthi lapha kukoDlamini," kutsho uMaDlamini esehwaqe okwenyathi.
"Umuzi kawaze wakhiwa ngamanga, nxa ufuna kube njalo mina kusasa ngiyavukela komalumami eFumugwe angifuni kuyamukela imali yakhona," kuphetha uDlamini esukuma edobha uteketana lenduku ebiza izinja esiya eguswini.
Baphikisana nje uDlamini lekhosikazi lakhe kumele uSiphiwe azovelelwa ngakusisa manje uhlupho yilolu! uSiphiwe ulomntwana, ijaha lakhe kalazisanga ukuthi ulomntwana esesaba ukuthi engalitshela lizamala. Bonke lapha ekhaya sebevumelene ukuthi ukuze izinto zihambe kuhle kungcono umntwana afihlwe kodwa uDlamini ubaba kaSiphiwe uyakwala konke lokhu ngakho usesenziwa umuntu omubi kuthiwa uzama ukuncindezela uSiphiwe ukuba angatshadi.
Lafika elakusisa elingelandaba lokuthi ubani wenzeni lobani njalo kutheni lona liyafika kuphela kwathi uDlamini wavuka epompa intshelezi yakhe lathi seliqala ukutshisa laye efika eFumugwe komalumakhe.
Kwathi seliphakeme wafika umkhwenyana wathola bonke sebekhona sebelinde yena labakibo uMaDlamini ethabe esifa ngaphakathi. Kwenziwa wonke amalungiselelo wabizelwa umkhwenyana wakhipha kwathi sebeqedile bangena emoteni badla ummango ngoba phela ngesiko lenkolo yesiKristu ukuze umakoti ayehlala lomyeni wakhe kumele beqale begqokisane indandatho.
Bahamba bebuzana abakoMlilo ukuthi kungani uyise kaSiphiwe ekhethe ukuyadinga inkomo ngelanga lelo ngoba bona babetshelwe ukuthi uDlamini uyedinga inkomo epulazini. Ngakusisa wabuya uDlamini ngale ngakoMlilo amalungiselelo edili etshova kanti lebandleni lapho okukhonza uSiphiwe ilanga laselibikiwe abazalwane sebethabile ukuthi labo baze batshadisa okokuqala.
Aqhuba kuhle wonke amalungiselelo lwaze lwafika usuku olukhulu kwathi umntaka Siphiwe wasiwa koBulawayo kusesatshelwa ukuthi uzaphambanisa.
"Uyazi imisebenzi kaSomandla iyammangalisa kambe ngubani owayecabanga ukuthi uSiphiwe angatshada emva kobuhlungu ababuzwayo emva kokoniwa ngumfana wakoSiwela waphika umthwalo, umntanakhe sezake ahlale kuhle ngoba phela kukhanya isaka likhona kumkhwenyana, siyayibonga inkosi elungileyo," ngunkosikazi kamphathi lowo ebonga uJehova emi lobanye omakhelwane kanti kulobabakazi kamkhwenyana ulalele wahle wagijima wayatshela umama kaMehluli.
"Mehluli wawungakaze umbone ukuthi umalukazana ulomntwana, akusayenzi ukuthi umtshado uqhubekele phambili ngoba phela yena wathi usayintombi engcweleyo, khangela mfana wami nxa ekufihlela izinto ezinje kutsho kunengi akufihlayo", kutsho umama kaMehluli esegave ulaka esesesabeka ebusweni.
Khonokho nje uSiphiwe esizwa ukuthi uMehluli usezwile ukuba yena ulomntwana wahle waqaleka wathwalelwa ekilinika yeBazha wayaphaphamela khonale abakoMlilo bangena emoteni bahamba.
Ngemva kwensuku ezintathu uSiphiwe waqalisa ukuhlaselwa yimvukuzane esithweni sakhe eyayiqale ekutheni wayegeziswe ngamaxolo esihlahla esithile kusenzelwa ukuthi nxa besembatha loMehluli kuzwakale kungathi useyintombi egcweleyo. Wahanjiswa esibhedlela seUBH kwathi ngomnyama wasedlula ngemva kweviki, abantu basala bekhombana ngeminwe bejikijelana ngamazwi ahlabayo kusolwana ukuthi KUNGENXA KABANI ukuze uSiphiwe adlule emhlabeni.
"Lapha baba usufuna ukuphambanisela umntwana umendo wakhe kuhle ukuthi angatshelwa ngoba umkhwenyana angavele abekwazi uyahle engamthathi uSiphiwe, kambe singaphika ngalokho phela abantwana bonke bangagugela ekhaya, lokho okwenzakala koMlotshwa kwakungokwakhonangale ungakhohlwa ukuthi lapha kukoDlamini," kutsho uMaDlamini esehwaqe okwenyathi.
"Umuzi kawaze wakhiwa ngamanga, nxa ufuna kube njalo mina kusasa ngiyavukela komalumami eFumugwe angifuni kuyamukela imali yakhona," kuphetha uDlamini esukuma edobha uteketana lenduku ebiza izinja esiya eguswini.
Baphikisana nje uDlamini lekhosikazi lakhe kumele uSiphiwe azovelelwa ngakusisa manje uhlupho yilolu! uSiphiwe ulomntwana, ijaha lakhe kalazisanga ukuthi ulomntwana esesaba ukuthi engalitshela lizamala. Bonke lapha ekhaya sebevumelene ukuthi ukuze izinto zihambe kuhle kungcono umntwana afihlwe kodwa uDlamini ubaba kaSiphiwe uyakwala konke lokhu ngakho usesenziwa umuntu omubi kuthiwa uzama ukuncindezela uSiphiwe ukuba angatshadi.
Lafika elakusisa elingelandaba lokuthi ubani wenzeni lobani njalo kutheni lona liyafika kuphela kwathi uDlamini wavuka epompa intshelezi yakhe lathi seliqala ukutshisa laye efika eFumugwe komalumakhe.
Kwathi seliphakeme wafika umkhwenyana wathola bonke sebekhona sebelinde yena labakibo uMaDlamini ethabe esifa ngaphakathi. Kwenziwa wonke amalungiselelo wabizelwa umkhwenyana wakhipha kwathi sebeqedile bangena emoteni badla ummango ngoba phela ngesiko lenkolo yesiKristu ukuze umakoti ayehlala lomyeni wakhe kumele beqale begqokisane indandatho.
Bahamba bebuzana abakoMlilo ukuthi kungani uyise kaSiphiwe ekhethe ukuyadinga inkomo ngelanga lelo ngoba bona babetshelwe ukuthi uDlamini uyedinga inkomo epulazini. Ngakusisa wabuya uDlamini ngale ngakoMlilo amalungiselelo edili etshova kanti lebandleni lapho okukhonza uSiphiwe ilanga laselibikiwe abazalwane sebethabile ukuthi labo baze batshadisa okokuqala.
Aqhuba kuhle wonke amalungiselelo lwaze lwafika usuku olukhulu kwathi umntaka Siphiwe wasiwa koBulawayo kusesatshelwa ukuthi uzaphambanisa.
"Uyazi imisebenzi kaSomandla iyammangalisa kambe ngubani owayecabanga ukuthi uSiphiwe angatshada emva kobuhlungu ababuzwayo emva kokoniwa ngumfana wakoSiwela waphika umthwalo, umntanakhe sezake ahlale kuhle ngoba phela kukhanya isaka likhona kumkhwenyana, siyayibonga inkosi elungileyo," ngunkosikazi kamphathi lowo ebonga uJehova emi lobanye omakhelwane kanti kulobabakazi kamkhwenyana ulalele wahle wagijima wayatshela umama kaMehluli.
"Mehluli wawungakaze umbone ukuthi umalukazana ulomntwana, akusayenzi ukuthi umtshado uqhubekele phambili ngoba phela yena wathi usayintombi engcweleyo, khangela mfana wami nxa ekufihlela izinto ezinje kutsho kunengi akufihlayo", kutsho umama kaMehluli esegave ulaka esesesabeka ebusweni.
Khonokho nje uSiphiwe esizwa ukuthi uMehluli usezwile ukuba yena ulomntwana wahle waqaleka wathwalelwa ekilinika yeBazha wayaphaphamela khonale abakoMlilo bangena emoteni bahamba.
Ngemva kwensuku ezintathu uSiphiwe waqalisa ukuhlaselwa yimvukuzane esithweni sakhe eyayiqale ekutheni wayegeziswe ngamaxolo esihlahla esithile kusenzelwa ukuthi nxa besembatha loMehluli kuzwakale kungathi useyintombi egcweleyo. Wahanjiswa esibhedlela seUBH kwathi ngomnyama wasedlula ngemva kweviki, abantu basala bekhombana ngeminwe bejikijelana ngamazwi ahlabayo kusolwana ukuthi KUNGENXA KABANI ukuze uSiphiwe adlule emhlabeni.
Source - Mbongeni Sibindi
All articles and letters published on Bulawayo24 have been independently written by members of Bulawayo24's community. The views of users published on Bulawayo24 are therefore their own and do not necessarily represent the views of Bulawayo24. Bulawayo24 editors also reserve the right to edit or delete any and all comments received.
