Latest News Editor's Choice


Opinion / Blogs

POEM: Wakapasvika sei pauri Simba Chikore?

by Nkosilathi Emmanuel Moyo, Snr
07 Oct 2016 at 07:43hrs | Views
Wakapasvika seiko pauri nhai Simba Chikore?
Hwakambodiiko hwako huvhimi kubata mhuka usina uta kana museve
Tirere zvedu mune wedu musha we Zimbabwe
Takarifuka iro gudza renhamo
Tisu pepukei watodzipakata
Inga kuroora kwevamwe kunobhadhara
Wakapasvika sei pauri nhai Simba Chikore?

Makakombererwa vana vevamwe
Kukama mukaka wakakora kare
Kwako hatichati kuvhima nemunyu muhomwe
Apa wakavhima nechiropa  muhomwe
Kudzingirira yawakabata kare
Hwako huchenjeri huziva tsoro dzawo hupenyu
Kupfimba mwana washe
Nhasi mopihwa mabasa murere
Modya moga rifa rayo nyika sekusina vamwe
Wakapasvika sei pauri Simba Chikore?

Nhasi uno toideedza kuti Air Simbabwe
Woiita hako wada wadambura nyama yepabira
Ko unovhunzwa nani sewapenda nyoka
Zvazviri zvekungopanana hutambidzanwa chikari chepandari
Hwako hugamba hwakava pakupa Sekuru muzukuru wekutanga
Muhutana hwavo
Vakakutarisa vanosekerera mambo
Kuti rakandibvira nepiko bvana iri kundipa muzukuru
Zvino voti regai ndidye naro munyepfu wayo nyika
Wakapasvika sei pauri Simba Chikore?

Chawawana batisisa mudzimu haupi kaviri
Inga uri gonzo rawira mudura renzungu
Zvidyire hako hwatsvira hwehumambo hwaGushungo
Zvohwoswedera kumagumo
Zvamangwana zvinaniko muchabva muZimbabwe muchitiza
Neiro zuva richapinda humambo hutsva
Nhasi ndezvenyu mora hako mukomana
Asi kutsi kwerako gotsi iri dimikira usakanganwe
Chisingapere chinoshura
Wakapasvika sei pauri Simba Chikore?


--
Nkosilathi Emmanuel Moyo,Snr.
Human Rights Defender and Democracy Activist;
Executive Director Zimbabwe Organization For Youth In Politics (Z.O.Y.P)
Mobile;+263 775 037 579 /+263 772 128 558
Email;zoypdirector@gmail.com
Skype;nkosilathi.emmanuel.moyo
Twitter ;@NkosieKwekwe05


Join Bulawayo24 Online Community
Source - Nkosilathi Emmanuel Moyo, Snr
All articles and letters published on Bulawayo24 have been independently written by members of Bulawayo24's community. The views of users published on Bulawayo24 are therefore their own and do not necessarily represent the views of Bulawayo24. Bulawayo24 editors also reserve the right to edit or delete any and all comments received.

Subscribe

Email: