Opinion / Columnist
Ukuthathelwa kwabantu amaphasipoti ebhoda yeBeitbridge
07 Jan 2015 at 07:53hrs | Views
Bantu bakithi kulenkinga laphana eBeitbridge ebhoda. Ngizobhala ngesakithi ukuze abanye abangamela bezwe bengazwi. Kulamaphasipoti amanengi kabi asebanjiweyo abanikazi babiselwa emuva abanye batshiya amaphasipoti abo bangena eNingizimu Africa. Inengi lamaphasipoti libanjwa ngoba abanikazi bawo baqala bangene kahle kodwa inkinga ibisisiba yikuthi baphiwa amalanga amalutshwane okuhlala kweleNingizimu Africa. Into esuka ibisisenziwa yilabobantu yikuthi basuke sebenika omalayitsha kumbe abatshayeli bamabhasi amaphasipoti abo lemali thizeni ukuthi abatshayeli labo badlule bebadindisela bona bengekho. Kodwa okusuka kwenzeke yikuthi abanye abatshayeli bamabhasi kumbe omalayitsha basuke badindise amaphasipoti abantu hatshi phakathi ebhoda kodwa ngaphansi kwesihlahla, ukuze babhadale imali encane kulaleyi abakade bezoyibhadala phakathi ebhoda . Labo bantu abadinda ngaphansi kwesihlahla bafaka izitampi zomgunyathi okuyikho okubangela ukuthi umnikazi wephasipoti nxa esesithi uyangena ngayo atshelwe ukuthi iphasipoti ilesitempi somgunyathi besebemyalela ukungena babuye njalo bamthathele lephasipoti yakhe.
Kulomunye engimaziyo osebenza ebhoda othe kulamaphasipoti adlula amakhulu amathathu abanjiweyo ngelanga elilodwa lamhlaka 30 December 2014. Okubuhlungu ngalokhu yikuthi abanye bakhona ngabantu ababelamaphemithi eDZP ababe "khiphe" amaphasipoti abo ngoba bebona amaphemithi abo esephelelwe ngamalanga okuyinto okwakungamelanga beyenze ngoba unqonqoshe wezekhaya uMalusi Gigaba wayethe wonke amaphemithi azaphelelwa amalanga ngeyi31 zika December 2014, kungasenani ukuthi kubhalweni kuphemithi leyo umuntu alayo.
Umuntu ophethe iphasipoti yaselizweni laseZimbabwe uvunyelwa ukuhlala eNingizimu Africa okwamalanga angamatshumi ayisitshiyagalolunye ngonyaka lonyaka nxa kuyikuthi akalayo iphemithi emgunyaza ukuthi ahlale kweleNingizimu Africa. Inkinga esuke ibekhona yikuthi inengi lithi malingena ebhoda liphiwe amalanga amalutshwana afana leviki elilodwa kumbe amaviki amabili abanye banikwa amalanga amathathu imbala. Lokhu kwenziwa yikuthi izisebenzi zomnyango wasekhaya weNingizimu Africa ziyadelela, zithanda ukuthi zizinikeze amandla ezingalayo njalo abantu bakithi ngobunengi abawazi amalungelo abo. Njalo izisebenzi ezinengi zebhoda sezajwayela ukufumbathiswa imali thizeni ngaphambi kokuba zifakele umuntu amalanga amanengi, okuyinto embi kodwa yinto eyenzeka mihla lamalanga.
Into abantu bakithi okumele bayenze yikuthi kumele bayale ukuthathelwa amaphasipoti abo ngaphandle kokunikezwa izizatho ezibhalwe phansi ephepheni elilesitempi salelolanga iphasipoti ethethwe ngayo. Abasezekhaya leNingizimu Africa abalalo igunya lokuthathela umuntu iphasipoti kanjalo nje baqede bethi hamba, nxa usuhamba uzohamba ngani? iNingizimu Africa iyasiza kakhulu abantu beZimbabwe ngoba inengi lihlala lisebenze khona kodwa akusiyilo lodwa ilizwe umntu ongalivakatshela yingakho nxa bengavumi ukuthi ungene kumele bakudindele isitempi lesi esithiwa ngu ‘departure' bakuvumele ubuyele emuva kwelakini lephasipoti yakho. Ngoba nxa umuntu ekuthathela iphasipoti engakunikezi iphepha elibhaliweyo elilobufakazi bokuthi uyithethe leyo phasipoti uzothi usuyidinga uzothi uyidinga kubani? Ngikhuluma nje abanengi abathathelwa amaphasipoti abasawatholi nxa befika ebhoda, kwazi bani mhlawumbe lawomaphasipoti sewathengiswa njengoba abanye abasebenza ebhoda bekhohlakele kangaka!
Nxa kuyikuthi umuntu osebenza ebhoda uyala lephasipoti yakho kungono uqale ucele umaneja wakhe obizwa ngokuthi yi Chief Immigration Officer. uChief Immigration Officer nxa ekunikeza iphepha elilezizatho zokuthi yindaba ungavunyelwa ukungena kweleNingizimu Africa kumele libelesidindo njalo alisayine lawe ulisayine. Sengibone abantu abanengi abalamaphepha abaphiwe ebhoda esayiniwe kodwa engelasidindo sebhoda, ngokomthetho lawo maphepha awasebenzi. Nxa ungahamba lephepha elingelasidindo emahofisini wemnyango wezekhaya aseNingizimu usiyafaka isicelo sokuphikisana lesinqumo esithethwe ngumuntu osebhoda akulasizo ozoluthola ngoba bazothi lephepha olithwele uzikhandele wena ngokwakho bakuphindisele ebhoda. Abantu bakithi nje kumele bakhuze uvalo bangesabi nxa besebhoda,njalo nxa kuyikuthi umuntu uphathisa iphasipoti yakhe aphathise umuntu othembekileyo kodwa manengi amaphemithi abantu abangacela izicelo zokuthi bawathole ukuze bangahlali bephathisa amaphasipoti. Ngizobhala ngawo lamaphemithi umuntu ongafaka iscelo sokuwathola kumnyango wezekhaya waseNingizimu Africa kundatshana elandelayo.
uVelempini Veap Thuthani Ndlovu yiSenior Consultant eVee's Visa Applications, eyiSole proprietorship enceda abantu ukufaka izicelo zamavisa lamaphemithi aseNingizimu Africa. Utholakala ecingweni ku 0768297234 kumbe ku veapndlovu@gmail.com
Kulomunye engimaziyo osebenza ebhoda othe kulamaphasipoti adlula amakhulu amathathu abanjiweyo ngelanga elilodwa lamhlaka 30 December 2014. Okubuhlungu ngalokhu yikuthi abanye bakhona ngabantu ababelamaphemithi eDZP ababe "khiphe" amaphasipoti abo ngoba bebona amaphemithi abo esephelelwe ngamalanga okuyinto okwakungamelanga beyenze ngoba unqonqoshe wezekhaya uMalusi Gigaba wayethe wonke amaphemithi azaphelelwa amalanga ngeyi31 zika December 2014, kungasenani ukuthi kubhalweni kuphemithi leyo umuntu alayo.
Into abantu bakithi okumele bayenze yikuthi kumele bayale ukuthathelwa amaphasipoti abo ngaphandle kokunikezwa izizatho ezibhalwe phansi ephepheni elilesitempi salelolanga iphasipoti ethethwe ngayo. Abasezekhaya leNingizimu Africa abalalo igunya lokuthathela umuntu iphasipoti kanjalo nje baqede bethi hamba, nxa usuhamba uzohamba ngani? iNingizimu Africa iyasiza kakhulu abantu beZimbabwe ngoba inengi lihlala lisebenze khona kodwa akusiyilo lodwa ilizwe umntu ongalivakatshela yingakho nxa bengavumi ukuthi ungene kumele bakudindele isitempi lesi esithiwa ngu ‘departure' bakuvumele ubuyele emuva kwelakini lephasipoti yakho. Ngoba nxa umuntu ekuthathela iphasipoti engakunikezi iphepha elibhaliweyo elilobufakazi bokuthi uyithethe leyo phasipoti uzothi usuyidinga uzothi uyidinga kubani? Ngikhuluma nje abanengi abathathelwa amaphasipoti abasawatholi nxa befika ebhoda, kwazi bani mhlawumbe lawomaphasipoti sewathengiswa njengoba abanye abasebenza ebhoda bekhohlakele kangaka!
Nxa kuyikuthi umuntu osebenza ebhoda uyala lephasipoti yakho kungono uqale ucele umaneja wakhe obizwa ngokuthi yi Chief Immigration Officer. uChief Immigration Officer nxa ekunikeza iphepha elilezizatho zokuthi yindaba ungavunyelwa ukungena kweleNingizimu Africa kumele libelesidindo njalo alisayine lawe ulisayine. Sengibone abantu abanengi abalamaphepha abaphiwe ebhoda esayiniwe kodwa engelasidindo sebhoda, ngokomthetho lawo maphepha awasebenzi. Nxa ungahamba lephepha elingelasidindo emahofisini wemnyango wezekhaya aseNingizimu usiyafaka isicelo sokuphikisana lesinqumo esithethwe ngumuntu osebhoda akulasizo ozoluthola ngoba bazothi lephepha olithwele uzikhandele wena ngokwakho bakuphindisele ebhoda. Abantu bakithi nje kumele bakhuze uvalo bangesabi nxa besebhoda,njalo nxa kuyikuthi umuntu uphathisa iphasipoti yakhe aphathise umuntu othembekileyo kodwa manengi amaphemithi abantu abangacela izicelo zokuthi bawathole ukuze bangahlali bephathisa amaphasipoti. Ngizobhala ngawo lamaphemithi umuntu ongafaka iscelo sokuwathola kumnyango wezekhaya waseNingizimu Africa kundatshana elandelayo.
uVelempini Veap Thuthani Ndlovu yiSenior Consultant eVee's Visa Applications, eyiSole proprietorship enceda abantu ukufaka izicelo zamavisa lamaphemithi aseNingizimu Africa. Utholakala ecingweni ku 0768297234 kumbe ku veapndlovu@gmail.com
Source - Velempini Veap Thuthani Ndlovu
All articles and letters published on Bulawayo24 have been independently written by members of Bulawayo24's community. The views of users published on Bulawayo24 are therefore their own and do not necessarily represent the views of Bulawayo24. Bulawayo24 editors also reserve the right to edit or delete any and all comments received.
