Opinion / Columnist
Ingcazelo yemigomo lemibandelo yamaphemithi abizwa ngokuthi ngama ZSP
16 Jan 2015 at 16:03hrs | Views
1) iZSP inikeza imvumo umuntu ukuthi asebenze, afunde noma aqhube ibhizinisi lakhe.
Lokhu akudingi kuchazwa kakhulu ngoba kusobala ukuthi kutshoni. Into nje engingayichasisa lapha yikuthi nxa usuka komunye umsebenzi usiya komunye kumbe kwesinye kwesinye isikolo sokufunda usiya kwesinye isikolo asikho isidingo sokuthi ufake isicelo esitsha seyinye iphemithi ngoba lamaZSP awabhalwanga ukuthi kumele usebenze kumbe ufunde kuphi njengamanye amaphemithi afana lama general work permits.
2) iZSP phemithi ayinikezi olayo igunya lokuthi afake isicelo sephemithi yokuhlala kokuphela eNingizimu Africa.
Umthetho waseNingizimu Africa uvumela umuntu osehlale kuleli lizwe ngokusemthethweni okweminyaka eyisihlanu ukuthi afake isicelo sephemithi emvumela ukuthi ahlale kuleli unomphakade. Abantu abaphiwa amaphemithi eZSP manje ngabantu abaphiwa amaDZP ngonyaka ka2010, lokhu kutsho ukuthi ngesikhathi kuphela u2015 inengi beliyabe selilalo igunya lokufaka lezo zicelo zamaphemithi lawa abizwa ngokuthi ngama permanent residence permits. uMalusi Gigaba unqonqoshe womnyango wasezekhaya wathi akulabudlelwano phakathi kwephimithi yeDZP leZSP, lokhu wakwenzela khona lokhu ukuncitsha kahle abantu bezwekazi leZimbabwe imvumo yokuthi bafake lezo zicelo zamaphemithi abavumela ukuthi bahlale kokuphela kweleNingizimu Africa. Ngombono wami uGigaba wabala umthetho ngendlela engalunganga, abantu bakithi kumele sihlanganise amasenti siyedale lomthethandaba ukuze omahluleli batsho ukuthi lesenzo sikaGigaba sihambisana lomthetho weImmigration Act no. 13 ka 2002 na noma cha? Kumele sikhumbule ukuthi umthetho walapha awuvumeli ubandlululo, ngesibonelo asithi kulomuntu owafika kuleli ngo2010 evela eNigeria wathola iphemithi ngokusemthethweni ngaleso sikhathi abantu bekhaya bephiwa amaDZP ayengamaphemithi asemthethweni lawo. Nxa kuqala unyaka ka2016 lomuntu weNigeria uzoba lemvumo yokufaka isicelo sepermanent residence permit kodwa lo owaseZimbabwe akenelisi ukwenza njalo ngendaba yalomgomo. Lokhu ngibona angani akulunganga njalo kuncindezela amalungelelo abantu baseZimbabwe yingakho ngithi akuyiwe edale lomthetho ukuze omahluleli bakhiphe isinqumo ngokuthi bona bakubona njani.
3) amaZSP awasoze engezelelwe isikhathi ngo31 December 2017 lapho esephelelwe yisikhathi.
Lokhu kutsho ukuthi nxa kufika u31 December 2017 bonke abantu abalamaphemithi eZSP kuzomele bafake izicelo zamaphemithi afana labanye bonke abakuleli lizwe leNingizimu Africa ngoba bengeke benelisi ukuthola amanye amaZSP futhi. Kulento ezimbili engizibona ziyinkinga ngalomgomo. Okwakuqala yikuthi inengi labantu abalamaZSP bangazithola bengesenelisi ukuthola amaphemithi ngoba imigomo lemibandela yalowomaphemithi ilukhuni. iNingizimu Africa ibhekane lohlupho lokuswelakala kwemisebenzi lokhu sokwenza ukuthi kuthiwe kuthathwa abantu abangaphandle kuthathwa kuphela labo abalamakhono adingakalayo (special skills) kuleli. Inengi labantu abazathola amaZSP ngabantu abasebenza ezindlini, ezingandini, ezitolo lakwezinye indawo nje lapho okungadingeki khona amakhono angekho lapha eNingizimu Africa. Nxa sokuthiwa laba bantu kabafake izicelo zamaphemithi lawa alemigomo lemibandelo elikhuni bazowathola na? Phela akukhumbuleke ukuthi izakhamuzi zeNingizimu Africa lazo ziyayifuna lemsebenzi le esetshenzwa ngabantu baseZimbabwe yingakho zihlala zikhala ngokuthi zithathelwa imisebenzi ezweni lazo. Njalo labo abalamaZSP wokuqhuba amabhizimisi bazokwenza njani nxa kufika u31 December 2017 nxa kwenzeka bencitshwa amaphemithi amatsha? Kuzomela bavale amabhizimusi abo na?
Okwesibili okuzoba yinkinga ngalomgomo yindleko zokufaka lezo zicelo. Lamanje uMalusi Gigaba akakacaci ngokuthi izicelo zizofakwa abantu beseNingizimu Africa noma kuzomele bahambe baye kweleZimbabwe eHarare? AmaZSP permits abantu bawathole ngeR870 kodwa igeneral work permit ngokomzekelo Ibiza R2 870, leR2 870 ayigoqeli imali yokuthola incwadi kadokotela ohlola umuntu ukuba usesimeni sempilo esikahle, kumbe imali yokuyathola ipolice clearance kweleZimbabwe lalapha eNingizimu Africa. Njalo njengoba lezizicelo sezifakwa kusetshenziswa iInternet lemali ayigoqeli le ebizwa ngabantu abafana lami abancedisa labo abangakwaziyo ukuzifakela lezo zicelo kuwebsite yeVFS. Kusobala ukuthi indleko zokufaka izicelo zamaphemithi nxa lamaZSP ephelelwa yisikhathi zizokwemba eqolo njalo abanengi bangazithola bengenelisi ukuzifaka lezo zicelo okuzokwenza ukuthi bahlale ngokungekho emthethweni baqale ukudlala umacatshelana lamapholisa ngoba eqinisweni inengi labantu abaholi mali enengi okungenza babelayo iR4 000 kumbe R5 000 yokusebenzisa befaka lezo zicelo zamaphemithi. Khona kungathiwa abantu kabayefaka izicelo eHarare kuyahle kube yizililo zodwa abantu becabanga imali zamabhasi lamahotela khonale lokhu inengi lingazi muntu eHarare.
4) Umuntu oleZSP phemithi kavunyelwa ukutshintsha imigomo lemibandela yeZSP phemithi yakhe ekweleNingizimu Africa.
Lokhu kuchaza ukuthi nxa uphiwe iZSP yokusebenza angeke uyitshintshe ukuthi ijike ibe ngeyokufunda noma eyokuqhuba ibhizimisi. Lemigomo lemibandela abakunike ibhaliwe kuyo leyoZSP ayiguquleki. Lokhu kuzoncindezela abanengi ikakhulu abafunda emaNyuvesi ngoba asithi uqeda izifundo zakho ekupheleni kuka2015 lokhu kutsho ukuthi awuvunyelwa ukufaka isicelo sokuthi iZSP yakho itshintshwe ukusuka kule ekuvumela ukuthi ufunde kube yile ekuvumela ukuthi usebenze. Lokhu kutsho ukuthi sokuzomele uye eHarare uyefaka isicelo sephemithi yokusebenza njalo umelele impumela yokuthi uyayiphiwa noma uyayincitshwa uselizweni leZimbabwe njengomuntu ongakaze abelayo iphemithi kumbe alubhade kweleNingizimu Africa. Lomuntu odilizwe emsebenzini u31 December 2017 engakafiki akenelisi ukuthi atshintshe iZSP phemithi yakhe ibe yile emvumela ukuthi aqhube ibhizimisi ngokunjalo lo otshabalelwe yibhizimisi yakhe u31 December 2017 engakafiki akenelisi ukuthi afake isicelo sokuthi iZSP yakhe itshintshwe ibengeyokusebenza nxa esethole umsebenzi.
Lokhu lokunengi ngezinye zezinto okumele uzazi ngalesisikhathi usajabulele ukuthola iZSP phemithi yakho. Njalo abantu bekhaya kumele siyeke lento yokuthi okukamhlaka 31 December 2017 sizokubona lelo langa selifikile ngoba angeke kusisize kumele siqoqane sikhulume ngezwi elilodwa silwela amalungelo ethu njengezakhumuzi zakwamanye amazwe ezikuleli eleNingizimu Africa ngoba lathi siyayidlala indima yokuthuthukisa lelilizwe njalo siyayibhadala intela njengawonke umuntu. Ngiyabonga.
-------------------------------
uVelempini Veap Thuthani Ndlovu yingcwethi yamaphemithi eVee's Visa Applications, eyiSole proprietorship enceda abantu ukufaka izicelo zamavisa lamaphemithi aseNingizimu Africa. Utholakala ecingweni ku 0768297234 kumbe ku veapndlovu@gmail.com
Lokhu akudingi kuchazwa kakhulu ngoba kusobala ukuthi kutshoni. Into nje engingayichasisa lapha yikuthi nxa usuka komunye umsebenzi usiya komunye kumbe kwesinye kwesinye isikolo sokufunda usiya kwesinye isikolo asikho isidingo sokuthi ufake isicelo esitsha seyinye iphemithi ngoba lamaZSP awabhalwanga ukuthi kumele usebenze kumbe ufunde kuphi njengamanye amaphemithi afana lama general work permits.
2) iZSP phemithi ayinikezi olayo igunya lokuthi afake isicelo sephemithi yokuhlala kokuphela eNingizimu Africa.
Umthetho waseNingizimu Africa uvumela umuntu osehlale kuleli lizwe ngokusemthethweni okweminyaka eyisihlanu ukuthi afake isicelo sephemithi emvumela ukuthi ahlale kuleli unomphakade. Abantu abaphiwa amaphemithi eZSP manje ngabantu abaphiwa amaDZP ngonyaka ka2010, lokhu kutsho ukuthi ngesikhathi kuphela u2015 inengi beliyabe selilalo igunya lokufaka lezo zicelo zamaphemithi lawa abizwa ngokuthi ngama permanent residence permits. uMalusi Gigaba unqonqoshe womnyango wasezekhaya wathi akulabudlelwano phakathi kwephimithi yeDZP leZSP, lokhu wakwenzela khona lokhu ukuncitsha kahle abantu bezwekazi leZimbabwe imvumo yokuthi bafake lezo zicelo zamaphemithi abavumela ukuthi bahlale kokuphela kweleNingizimu Africa. Ngombono wami uGigaba wabala umthetho ngendlela engalunganga, abantu bakithi kumele sihlanganise amasenti siyedale lomthethandaba ukuze omahluleli batsho ukuthi lesenzo sikaGigaba sihambisana lomthetho weImmigration Act no. 13 ka 2002 na noma cha? Kumele sikhumbule ukuthi umthetho walapha awuvumeli ubandlululo, ngesibonelo asithi kulomuntu owafika kuleli ngo2010 evela eNigeria wathola iphemithi ngokusemthethweni ngaleso sikhathi abantu bekhaya bephiwa amaDZP ayengamaphemithi asemthethweni lawo. Nxa kuqala unyaka ka2016 lomuntu weNigeria uzoba lemvumo yokufaka isicelo sepermanent residence permit kodwa lo owaseZimbabwe akenelisi ukwenza njalo ngendaba yalomgomo. Lokhu ngibona angani akulunganga njalo kuncindezela amalungelelo abantu baseZimbabwe yingakho ngithi akuyiwe edale lomthetho ukuze omahluleli bakhiphe isinqumo ngokuthi bona bakubona njani.
3) amaZSP awasoze engezelelwe isikhathi ngo31 December 2017 lapho esephelelwe yisikhathi.
Okwesibili okuzoba yinkinga ngalomgomo yindleko zokufaka lezo zicelo. Lamanje uMalusi Gigaba akakacaci ngokuthi izicelo zizofakwa abantu beseNingizimu Africa noma kuzomele bahambe baye kweleZimbabwe eHarare? AmaZSP permits abantu bawathole ngeR870 kodwa igeneral work permit ngokomzekelo Ibiza R2 870, leR2 870 ayigoqeli imali yokuthola incwadi kadokotela ohlola umuntu ukuba usesimeni sempilo esikahle, kumbe imali yokuyathola ipolice clearance kweleZimbabwe lalapha eNingizimu Africa. Njalo njengoba lezizicelo sezifakwa kusetshenziswa iInternet lemali ayigoqeli le ebizwa ngabantu abafana lami abancedisa labo abangakwaziyo ukuzifakela lezo zicelo kuwebsite yeVFS. Kusobala ukuthi indleko zokufaka izicelo zamaphemithi nxa lamaZSP ephelelwa yisikhathi zizokwemba eqolo njalo abanengi bangazithola bengenelisi ukuzifaka lezo zicelo okuzokwenza ukuthi bahlale ngokungekho emthethweni baqale ukudlala umacatshelana lamapholisa ngoba eqinisweni inengi labantu abaholi mali enengi okungenza babelayo iR4 000 kumbe R5 000 yokusebenzisa befaka lezo zicelo zamaphemithi. Khona kungathiwa abantu kabayefaka izicelo eHarare kuyahle kube yizililo zodwa abantu becabanga imali zamabhasi lamahotela khonale lokhu inengi lingazi muntu eHarare.
4) Umuntu oleZSP phemithi kavunyelwa ukutshintsha imigomo lemibandela yeZSP phemithi yakhe ekweleNingizimu Africa.
Lokhu kuchaza ukuthi nxa uphiwe iZSP yokusebenza angeke uyitshintshe ukuthi ijike ibe ngeyokufunda noma eyokuqhuba ibhizimisi. Lemigomo lemibandela abakunike ibhaliwe kuyo leyoZSP ayiguquleki. Lokhu kuzoncindezela abanengi ikakhulu abafunda emaNyuvesi ngoba asithi uqeda izifundo zakho ekupheleni kuka2015 lokhu kutsho ukuthi awuvunyelwa ukufaka isicelo sokuthi iZSP yakho itshintshwe ukusuka kule ekuvumela ukuthi ufunde kube yile ekuvumela ukuthi usebenze. Lokhu kutsho ukuthi sokuzomele uye eHarare uyefaka isicelo sephemithi yokusebenza njalo umelele impumela yokuthi uyayiphiwa noma uyayincitshwa uselizweni leZimbabwe njengomuntu ongakaze abelayo iphemithi kumbe alubhade kweleNingizimu Africa. Lomuntu odilizwe emsebenzini u31 December 2017 engakafiki akenelisi ukuthi atshintshe iZSP phemithi yakhe ibe yile emvumela ukuthi aqhube ibhizimisi ngokunjalo lo otshabalelwe yibhizimisi yakhe u31 December 2017 engakafiki akenelisi ukuthi afake isicelo sokuthi iZSP yakhe itshintshwe ibengeyokusebenza nxa esethole umsebenzi.
Lokhu lokunengi ngezinye zezinto okumele uzazi ngalesisikhathi usajabulele ukuthola iZSP phemithi yakho. Njalo abantu bekhaya kumele siyeke lento yokuthi okukamhlaka 31 December 2017 sizokubona lelo langa selifikile ngoba angeke kusisize kumele siqoqane sikhulume ngezwi elilodwa silwela amalungelo ethu njengezakhumuzi zakwamanye amazwe ezikuleli eleNingizimu Africa ngoba lathi siyayidlala indima yokuthuthukisa lelilizwe njalo siyayibhadala intela njengawonke umuntu. Ngiyabonga.
-------------------------------
uVelempini Veap Thuthani Ndlovu yingcwethi yamaphemithi eVee's Visa Applications, eyiSole proprietorship enceda abantu ukufaka izicelo zamavisa lamaphemithi aseNingizimu Africa. Utholakala ecingweni ku 0768297234 kumbe ku veapndlovu@gmail.com
Source - uVelempini Veap Thuthani Ndlovu
All articles and letters published on Bulawayo24 have been independently written by members of Bulawayo24's community. The views of users published on Bulawayo24 are therefore their own and do not necessarily represent the views of Bulawayo24. Bulawayo24 editors also reserve the right to edit or delete any and all comments received.
