News / Africa
Utokoloshi uhlukuluza isalukazi emacansini
23 Feb 2015 at 17:13hrs | Views
KULENINA elileminyaka engu-62 elihlala eMamelodi eTshwane kweleSouth Africa eseliveze ukuthi kulabotokoloshi abalibamba ngamandla ukuya emacansini lalo.
Inina leli elaziwa ngokuthi ngu-Dorah Molefe lithi utokoloshi lo oyisinanakazana esifitshane esigcwele uboya simtshiya etshukekile esithweni sakhe sangasese njalo engasela mandla.
"Sengivakatshele osiyazi abalitshumi ngisithi mhlawumbe bengangisiza ukuthi ngixotshe utokoloshi lo kodwa akula ngitsho loyedwa owenelisa ukungisiza."
"Ngiyesaba ukuyalala ntambama ngoba ngiyazi ukuthi utokolotshi lo kasoze angekele uzangitshuka kuphela, ngingaze ngiklalabalale akula ngitsho loyedwa ongizwayo, ngingaze ngizame ukulwisa kuyangikhulela."
"Ngidinga umuntu olamandla amakhulu ozangincedisa ukuxotsha lutokolotshi," kulandisa uMolefe.
"Idobi ngiyalithanda kodwa lidliwa liphele du ngutokoloshi lo ngifica igabha selitshaya umoya selidliwe ngutokoloshi lo. Ngibona into le ithanda ezimnandi," kuqhubeka leli nina.
"Sengiphelelwe ngamacebo labantu sebengizonda kungela sizatho. Kulosiyazi owake wangitshela ukuthi ngiqalekisiwe ngakho-ke sengilesidina," kulandisa uMolefe.
"Ngake ngathola inyoni exhibeni lami angazi ukuthi lokhu kutshoni."
UMolefe uthi udubo lolu lwaqala eminyakeni elitshumi edluleyo ngesikhathi kusuka iloja emzini wakhe uthi kodwa akalabo ubufakazi bokuthi lingaba yilo elamphosayo. "
Source - Ubulembu
