News / National
Izitabani zikhala ngokubandlululwa ezibhedlela
26 Jun 2013 at 10:30hrs | Views
Izitabane ziveza ukuba zibuhlungu ngobandlululo ezilutholayo ngenxa yesimo sazo zisithi kusuka kube nzima ukuba ziluthole uncedo lokwelatshwa ezibhedlela ngoba zingemukelwa yizisebenzi zezempilakahle.
Umkhokheli wenhlanganiso yezithabani eye Gays and Lesbian Association in Zimbabwe uMnumzana Chesterfield Samba uthi yena uyisitabane njalo uyaziqhenya ngalokho ayikho khona.
USamba uthi useleminyaka elitshumi lasithupha esemendweni lomunye owesilisa. Uthi yena uyibufakazi bokuba bakhona abantu abanjengaye njalo kabazenzi ngoba bengazange bakukhethe ukuba yilokho abayikho khona.
UDr Takudzwa Mutsvanga yena uthi lanxa bungakabi khona ubufakazi obusekela ukuba khona kwezitabane emphakathini, izifungo ezenziwa ngabezempilakahle ikakhulu odokotela kaziluvumeli ubandlululo.
Wonke umuntu oza esibhedlela ukuzadinga usizo kumele alutholiswe kungakhathelikile ukuba uyisima kanjani kuveza.
Abaphila legcikwane beyizitabane bathi impilo inzima kibo ngoba uzulu weZimbabwe angakwamukeli ukuba bakhona abaphila ngalendlela. Bathi lesisekelo esitsha sombuso kasila ziqondiso ezichachileyo zokubavikela lanxa umthetho ukubeka sobala ukuba balawo labo amalungelo wokuphila ngendlela abayifisayo.
Izitabane lezi zithi lanxa inhlolisiso esithe yenziwa kuleli iveza ukuba ziyanda izehlakalo zokusabalala kwegciwane kumaqembu afana lozulu ophila eyisitabane, zibhekane lodubo lokubandlululwa yizisebenzi lapha ezibhedlela kungavele kwazakale ukuba odinga usizo uyisitabane.
Kubikwa njalo ukuba lanxa befungiswa abezempilakahle ikakhulu odokotela, ukuba akekho obandlululwayo nxa ethe wazodinga usizo lokwelatshwa,lokhe bekhona abehluleka ukukwenza lokho ngoba bengakwamukeli ukuba bakhona abaphila ngokwehlukileyo kulabo, okufana lezitabane.
Abenhlanganiso emela amalungelo ezitabane eye Gays and Lesbian Association in Zimbabwe bathi ukwenza kwabezibhedlela lokhu yikho osekubangele ukuba amalunga enhlanganiso le angaze azihlupha ukuyadinga usizo kizo.
Bathi lokhu kuyingozi ngoba umuntu ukhetha ukufela ngaphakathi acine esebulawa ngumkhuhlane owelaphekayo nxa ethe wemukelwa njengomuntu wonke ngesikhathi edinga usizo esibhedlela.
Umkhokheli wenhlanganiso yezithabani eye Gays and Lesbian Association in Zimbabwe uMnumzana Chesterfield Samba uthi yena uyisitabane njalo uyaziqhenya ngalokho ayikho khona.
USamba uthi useleminyaka elitshumi lasithupha esemendweni lomunye owesilisa. Uthi yena uyibufakazi bokuba bakhona abantu abanjengaye njalo kabazenzi ngoba bengazange bakukhethe ukuba yilokho abayikho khona.
UDr Takudzwa Mutsvanga yena uthi lanxa bungakabi khona ubufakazi obusekela ukuba khona kwezitabane emphakathini, izifungo ezenziwa ngabezempilakahle ikakhulu odokotela kaziluvumeli ubandlululo.
Wonke umuntu oza esibhedlela ukuzadinga usizo kumele alutholiswe kungakhathelikile ukuba uyisima kanjani kuveza.
Abaphila legcikwane beyizitabane bathi impilo inzima kibo ngoba uzulu weZimbabwe angakwamukeli ukuba bakhona abaphila ngalendlela. Bathi lesisekelo esitsha sombuso kasila ziqondiso ezichachileyo zokubavikela lanxa umthetho ukubeka sobala ukuba balawo labo amalungelo wokuphila ngendlela abayifisayo.
Izitabane lezi zithi lanxa inhlolisiso esithe yenziwa kuleli iveza ukuba ziyanda izehlakalo zokusabalala kwegciwane kumaqembu afana lozulu ophila eyisitabane, zibhekane lodubo lokubandlululwa yizisebenzi lapha ezibhedlela kungavele kwazakale ukuba odinga usizo uyisitabane.
Kubikwa njalo ukuba lanxa befungiswa abezempilakahle ikakhulu odokotela, ukuba akekho obandlululwayo nxa ethe wazodinga usizo lokwelatshwa,lokhe bekhona abehluleka ukukwenza lokho ngoba bengakwamukeli ukuba bakhona abaphila ngokwehlukileyo kulabo, okufana lezitabane.
Abenhlanganiso emela amalungelo ezitabane eye Gays and Lesbian Association in Zimbabwe bathi ukwenza kwabezibhedlela lokhu yikho osekubangele ukuba amalunga enhlanganiso le angaze azihlupha ukuyadinga usizo kizo.
Bathi lokhu kuyingozi ngoba umuntu ukhetha ukufela ngaphakathi acine esebulawa ngumkhuhlane owelaphekayo nxa ethe wemukelwa njengomuntu wonke ngesikhathi edinga usizo esibhedlela.
Source - voa
