News / National
'Bathi ngitshontsh' imali' Kunuka santungwana kuBosso
10 Apr 2025 at 08:55hrs | Views
KUNUKA santungwana emahofisini eHighlanders. Akusabonwa ngaso linye ngemva kokuvela kwecala lokutshontshwa kwemali, okucatshangelwa ukuthi yathathwa ngumaqhuzu uBrian Moyo.
UMoyo uvele watshiya umsebenzi kusaqhutshwa uphenyo. Le yindaba esegudwini emdlalweni webhola lenyawo kuleli ngoba ivumbulule ubungilimbane obukhona kuqembu elidala, iHighlanders.
Kubikwa uMoyo wahuquluza iUS$2 000 kumali eyayivele kuBulawayo Chiefs eyathengisela iBosso abadlali ababili.
Ngokuphuma kwembiko, ephethwe yiZimpapers Sports Hub, uMoyo wasebenza lesinye isiphathamandla seChiefs u-Andrew Mandigora, bavumelana ukuthi bathi kubhadalwe iUS$23 000, endaweni yokuthi kubhadalwe iUS$18 000.
Bobabili batshayela iUS$5 000 esikhewini.
UMoyo, obehlonitshwa kakhulu kwezokukhokhela inhlelo zemidlalo kuleli, wathatha iUS$2 000, uMandigora wafaka iUS$3 000 esambeni sakhe.
Lokhu kwenzakale kumalanga ambalwa adluleyo. Ngenhlanhla, ubuqili bukaMoyo loMandigora bubonakele. Isenzo sabo sigcwalisise lelo elithi ‘akuqili lazikhotha emhlane'.
Okwakhathesi, uMandigora umiswe umsebenzi, nanko iBulawayo Chiefs ithe kame kancane kusaqhutshwa uphenyo. UMandigora kubikwa ubisele imali yonke. UMoyo akwaziwa ukuthi uyalivuma na icala njalo iHighlanders kayikakhiphi umbiko ngenyathelo ezalithatha.
Imizamo yokuxhumana loMoyo loMandigora yehlule. Inombolo zabo bezingangeni ngesikhathi sokudindwa kwephephandaba likazulu.
Kusenjalo, umgcinisihlalo weHighlanders uKenneth Mhlophe ubike ukuba sebeqhatshe umaqhuzu omutsha.
NgoMvulo kuliviki kubikwe ukuba ozabamba isikhundla lesi nguKindman Ndlovu, olilunga lekomithi ye-executive.
UMhlophe uthe njengeqembu balokwethemba ukuthi uNdlovu uzasibamba kuhle isikhundla sikamaqhuzu.
UMoyo uvele watshiya umsebenzi kusaqhutshwa uphenyo. Le yindaba esegudwini emdlalweni webhola lenyawo kuleli ngoba ivumbulule ubungilimbane obukhona kuqembu elidala, iHighlanders.
Kubikwa uMoyo wahuquluza iUS$2 000 kumali eyayivele kuBulawayo Chiefs eyathengisela iBosso abadlali ababili.
Ngokuphuma kwembiko, ephethwe yiZimpapers Sports Hub, uMoyo wasebenza lesinye isiphathamandla seChiefs u-Andrew Mandigora, bavumelana ukuthi bathi kubhadalwe iUS$23 000, endaweni yokuthi kubhadalwe iUS$18 000.
Bobabili batshayela iUS$5 000 esikhewini.
UMoyo, obehlonitshwa kakhulu kwezokukhokhela inhlelo zemidlalo kuleli, wathatha iUS$2 000, uMandigora wafaka iUS$3 000 esambeni sakhe.
Lokhu kwenzakale kumalanga ambalwa adluleyo. Ngenhlanhla, ubuqili bukaMoyo loMandigora bubonakele. Isenzo sabo sigcwalisise lelo elithi ‘akuqili lazikhotha emhlane'.
Okwakhathesi, uMandigora umiswe umsebenzi, nanko iBulawayo Chiefs ithe kame kancane kusaqhutshwa uphenyo. UMandigora kubikwa ubisele imali yonke. UMoyo akwaziwa ukuthi uyalivuma na icala njalo iHighlanders kayikakhiphi umbiko ngenyathelo ezalithatha.
Imizamo yokuxhumana loMoyo loMandigora yehlule. Inombolo zabo bezingangeni ngesikhathi sokudindwa kwephephandaba likazulu.
Kusenjalo, umgcinisihlalo weHighlanders uKenneth Mhlophe ubike ukuba sebeqhatshe umaqhuzu omutsha.
NgoMvulo kuliviki kubikwe ukuba ozabamba isikhundla lesi nguKindman Ndlovu, olilunga lekomithi ye-executive.
UMhlophe uthe njengeqembu balokwethemba ukuthi uNdlovu uzasibamba kuhle isikhundla sikamaqhuzu.
Source - herald
