News / Regional
Bafuna alobole ubabhemi owabanjwa embhinywa
26 Mar 2016 at 15:17hrs | Views
ZITHITHIBELE izakhamizi zeDaluka, indawo eseLupane ngesenzo somunye ujaha okubikwa ubesehluphile ngokuhlala ebhinya obabhemi nanko phela kubikwa ucine ekhulelwa yimizwa wasebamba umntwana okugiredi 1 iganyavu isenzo esidanise abanengi esigabeni ngeviki ephelileyo.
Kuzwakale ukuba uMfundo Gumbo (18) ofunda eZwangendaba Secondary School obambe umntwana oleminyaka engu-6 ofunda ugiredi 1 esikolo seDaluka Primary ngemva kweviki ebanjwe ebhinya ubabhemi emfuleni uBubi, uMthunywa uyakuveza lokhu lamhlanje.
UMthunywa ukhulumisane loMnumzana Timothy Ndlovu oyisakhamuzi sakule indawo obikele intatheli ukuthi umfana lo uselesikhathi eside eganga labobabhemi.
"Umfana lo waqala kudala ukuganga kwakhe ngikhuluma nje sokungamahlandla amahlanu etholakala ebhinya ubabhemi. Isimanga yikuthi ubehlezi ebhinya ubabhemi munye okaMnumzana Moyo ohlala esigabeni.
"Abantu bazwe ubuhlungu kakhulu sebesizwa kuthiwa useze wabamba umntwana omncane iganyavu. Asazi ukuthi izakhamizi zalapha zithini njengoba zazihlala zisithi kaxolelwe engabotshiswa.
"Ngikhuluma nje khathesi umntwana lo ambambileyo uphume izolo esibhedlela ngoba walimala jalo umsolwa usemapholiseni eLupane," kutsho uMnu Ndlovu.
UMnumzana Dumisani Moyo onguye owabhinyelwa ubabhemi ngumsolwa uchaze ukuthi yena ufuna ukuhlawulwa ngabazali bomfana lo.
"Mina okunengi angikudingi ngifuna abazali bomfana lo bangihlawule ngoba umuntu ngeke enze ubabhemi wami umfazi ngimtshiye nje.
"Kumele bangihlawule ngihle ngibanike umalukazana wabo okungubabhemi ngoba ngokuhlawula bayabe sebemlobole. Okunye engikufunayo yikuthi banginike omunye ubabhemi ngoba sengikhiphe owami esibayeni sami," kutsho uMnu Moyo.
Ebuzwa ngale indaba uNkosazana Simiso Ncube oyisihlobo sikaMfundo uchaze ukuthi kalamathe ngale indaba.
"Kuliqiniso sibili ukuthi umntakadadewethu wabhinya ubabhemi kanye lomntwana omncane.
"Ngalokhu sisathithibele njengomdeni ukuthi umntwana ungenwe yini njalo kuhlolani lokhu akwenzileyo," kutsho uNkszn Ncube.
UKhansila wakule indawo uMnumzana Esau Sibanda uthe kakabikelwa yizakhamizi ezonelweyo.
"Indaba le sengiyizwile noma nje ngiyizwe ngezakhamizi okungayisizo ezonelweyo. Ngalokhu-ke abazali babantwana laba abakangitsheli ngendaba le," kutsho uKhansila uSibanda.
Imizamo yokukhulumisana lesikhulumi samapholisa esabelweni seMatabeleland North, uInspector Siphiwe Makonese yehlule ngoba ucingo lwakhe belungangeni.
Kuzwakale ukuba uMfundo Gumbo (18) ofunda eZwangendaba Secondary School obambe umntwana oleminyaka engu-6 ofunda ugiredi 1 esikolo seDaluka Primary ngemva kweviki ebanjwe ebhinya ubabhemi emfuleni uBubi, uMthunywa uyakuveza lokhu lamhlanje.
UMthunywa ukhulumisane loMnumzana Timothy Ndlovu oyisakhamuzi sakule indawo obikele intatheli ukuthi umfana lo uselesikhathi eside eganga labobabhemi.
"Umfana lo waqala kudala ukuganga kwakhe ngikhuluma nje sokungamahlandla amahlanu etholakala ebhinya ubabhemi. Isimanga yikuthi ubehlezi ebhinya ubabhemi munye okaMnumzana Moyo ohlala esigabeni.
"Abantu bazwe ubuhlungu kakhulu sebesizwa kuthiwa useze wabamba umntwana omncane iganyavu. Asazi ukuthi izakhamizi zalapha zithini njengoba zazihlala zisithi kaxolelwe engabotshiswa.
"Ngikhuluma nje khathesi umntwana lo ambambileyo uphume izolo esibhedlela ngoba walimala jalo umsolwa usemapholiseni eLupane," kutsho uMnu Ndlovu.
UMnumzana Dumisani Moyo onguye owabhinyelwa ubabhemi ngumsolwa uchaze ukuthi yena ufuna ukuhlawulwa ngabazali bomfana lo.
"Mina okunengi angikudingi ngifuna abazali bomfana lo bangihlawule ngoba umuntu ngeke enze ubabhemi wami umfazi ngimtshiye nje.
"Kumele bangihlawule ngihle ngibanike umalukazana wabo okungubabhemi ngoba ngokuhlawula bayabe sebemlobole. Okunye engikufunayo yikuthi banginike omunye ubabhemi ngoba sengikhiphe owami esibayeni sami," kutsho uMnu Moyo.
Ebuzwa ngale indaba uNkosazana Simiso Ncube oyisihlobo sikaMfundo uchaze ukuthi kalamathe ngale indaba.
"Kuliqiniso sibili ukuthi umntakadadewethu wabhinya ubabhemi kanye lomntwana omncane.
"Ngalokhu sisathithibele njengomdeni ukuthi umntwana ungenwe yini njalo kuhlolani lokhu akwenzileyo," kutsho uNkszn Ncube.
UKhansila wakule indawo uMnumzana Esau Sibanda uthe kakabikelwa yizakhamizi ezonelweyo.
"Indaba le sengiyizwile noma nje ngiyizwe ngezakhamizi okungayisizo ezonelweyo. Ngalokhu-ke abazali babantwana laba abakangitsheli ngendaba le," kutsho uKhansila uSibanda.
Imizamo yokukhulumisana lesikhulumi samapholisa esabelweni seMatabeleland North, uInspector Siphiwe Makonese yehlule ngoba ucingo lwakhe belungangeni.
Source - umthunywa
