News / Local
Gukurahundi scars,pain still torment us
19 Feb 2017 at 14:13hrs | Views
Salibonani bantwana benkosi uMzilikazi lo Mambo. Ngibhala lolugwalo
ngikhala izinyembezi ngikhumbula amathambo abafowethu abafa bephoselwa
emigodini, abanye bagigelwa emgigweni thina izihlobo zabo kuthiwa
sihlabele njalo sigide.
Sasithi kwadlula kanti siyazikhohlisa, owayethumele labo bantu lamhlanje sephendukile ethi sizogida sijabulela ilanga lakhe lokuzalwa.Lubaba uthi sigide sijabule phezu kwamathambo ezihlobo zethu aziqeda ngombhuqazwe.
Umbuzo okumele sizibuze wona ngowokuthi lisisiza ngani lelo langa?, kuyini asenzele khona?; ngaphandle kwalokhu 1, ukusibulala, ukusicatshisa, ukudlwengula odadewethu, ukusincitsha ukudla efake icurfew,lokusibandlulula.
Uma sihamba sisiya hlanganyela laye ngosuku lwakhe sitsho ukuthi kasilandaba lezihlobo zethu. Siyabe sisekela ukubulawa kwezihlobo zethu, ukubandlulwa lokuthathelwa komhlabathi wethu.
Njengoba engaxolisanga lubaba ngesenzo sakhe, kasimtshengiseleni ukuthi kasimfuni ngokumela khatshana laye njalo sikhuthaze wonke umuntu ukuthi ubaba lo izandla zakhe zigcwele igazi lezihlobo zethu.lzanyongwane zakhe uEmmerson loPerrence Shiri bayabuya thina kasihlaleni emzini lezindlini zethu sikhuthaze imuli labo makhelwane ukuthi bangafi bagxoba edilini lezigebengu lezikhohlakali.
Yimi Ozithobileyo
Ngiyabonga
Sasithi kwadlula kanti siyazikhohlisa, owayethumele labo bantu lamhlanje sephendukile ethi sizogida sijabulela ilanga lakhe lokuzalwa.Lubaba uthi sigide sijabule phezu kwamathambo ezihlobo zethu aziqeda ngombhuqazwe.
Umbuzo okumele sizibuze wona ngowokuthi lisisiza ngani lelo langa?, kuyini asenzele khona?; ngaphandle kwalokhu 1, ukusibulala, ukusicatshisa, ukudlwengula odadewethu, ukusincitsha ukudla efake icurfew,lokusibandlulula.
Uma sihamba sisiya hlanganyela laye ngosuku lwakhe sitsho ukuthi kasilandaba lezihlobo zethu. Siyabe sisekela ukubulawa kwezihlobo zethu, ukubandlulwa lokuthathelwa komhlabathi wethu.
Njengoba engaxolisanga lubaba ngesenzo sakhe, kasimtshengiseleni ukuthi kasimfuni ngokumela khatshana laye njalo sikhuthaze wonke umuntu ukuthi ubaba lo izandla zakhe zigcwele igazi lezihlobo zethu.lzanyongwane zakhe uEmmerson loPerrence Shiri bayabuya thina kasihlaleni emzini lezindlini zethu sikhuthaze imuli labo makhelwane ukuthi bangafi bagxoba edilini lezigebengu lezikhohlakali.
Yimi Ozithobileyo
Ngiyabonga
Source - Byo24News
