Opinion / Columnist
Igusu eligcwele ulonyovu
23 Jul 2012 at 07:26hrs | Views
Lavuka lilihle sibili kungathi yintombi iqala ukuthomba. Sahle sathi nje sivuka sahubula inkovi yabelungu. Nxa ngithi ngiyayi hubula yangitshisa emankankani ngehluleka lokunqolonga onkamisa. Kwavele kwazisa ukuthi qha usuku lolu ngizoluqeda nzima. Njengomuntu obeseleminyaka ethize eseGoli engasakwazi ukwethekelela izihlobo labangane kwakumnandi kunjeya ngilabo gogo, umkami, omalukazana, babamkhulu, ukubalisa yikuthanda. Sinatha le nkovi yabelungu nje sigcwele, sihlezi egumeni, izolo nje lokhu bekune elikazamcolo, njalo siyinatha nje ayila chago ngoba ngihle ngavulela amathole alala labonina ngisesaba ukuthi amankonyane angalinyazwa ludaka, phela impahla zakhathesi ziyadedesa zifuna ukunakelelwa kakhulu.
Dukuduku nampo obabhemi bayaxotshana, ensikazi iphambili inkunzi iyalandela. Ayikhahleli leyi ensikazi ilomuntu phansi! Ize ikhahlele nyawo zonke sikhathi sinye. Ngabona sebuhluma utshani kusuthi okungobabhemindini, kusenjalo ngabona ukuthi lapha hayi akuselamdlalo. Zazithela phakathi egumeni zingena ngesango, inkunzi ivele selukhaba esiswini. Kwanjeya yathamba ensikazi ngabona inkunzi isiphezulu...yanyenama, yanyewula ensikazi,izalukazi zatsaka amathe.
Ngisathi yebo ngikubonile engikwenzelwe ngobabhemi, ngakhumbula ukuthi kengilande inkomo zikababa ngaphetsheya eMafusini, kanti ngizokhela amanzi ngomsenya! Ngehla ngedlula umuzi kamaMguni, ngakhekheleza yonke imizi ngithe ngisehlela kumfula uMkhobothi ngathola ugeleza kancinyane nje ngaguqa ngemba itshebetshebe nganatha amanzi, kambe emnandi kangaka amanzi omfula thina sesijwayele awedolobheni afakwa imithi yabantu abangelamadolo, ngagava itshebetshebe esilevini, endololwaneni, lasesiphaqeni imbala. Ngakhuphukela ngaphetsheya ngezwa abantu bexokozela. Ngabona kulixuku lamadoda aqhuba umfazi womuntu okuthiwa ubonwe yindoda yakhe ephingwa ngowesilisa osebalekile. Kweqa okulikhehla kwangikhomba ngomunwe kwathi "Nguye lo"!
Bathi bayakhangela babona umfazazana lo ugcwele itshebetshebe esiphundu, babona mina ngiletshebetshebe emadolweni lasesiphaqeni
--------------
uNgqabutho Dhlamini utholakala ku ndendele@gmail.com
Dukuduku nampo obabhemi bayaxotshana, ensikazi iphambili inkunzi iyalandela. Ayikhahleli leyi ensikazi ilomuntu phansi! Ize ikhahlele nyawo zonke sikhathi sinye. Ngabona sebuhluma utshani kusuthi okungobabhemindini, kusenjalo ngabona ukuthi lapha hayi akuselamdlalo. Zazithela phakathi egumeni zingena ngesango, inkunzi ivele selukhaba esiswini. Kwanjeya yathamba ensikazi ngabona inkunzi isiphezulu...yanyenama, yanyewula ensikazi,izalukazi zatsaka amathe.
Bathi bayakhangela babona umfazazana lo ugcwele itshebetshebe esiphundu, babona mina ngiletshebetshebe emadolweni lasesiphaqeni
--------------
uNgqabutho Dhlamini utholakala ku ndendele@gmail.com
Source - Ngqabutho Dhlamini
All articles and letters published on Bulawayo24 have been independently written by members of Bulawayo24's community. The views of users published on Bulawayo24 are therefore their own and do not necessarily represent the views of Bulawayo24. Bulawayo24 editors also reserve the right to edit or delete any and all comments received.
