NHAU DZINOKOSHA DZECENSUS YEMUGORE RA2011

Census yemugore ra2011 iri kuuya

Census inounganidza ruzivo rwevagari vemunyika mushure memakore gumi oga oga. Census inouya yemuEngland neWales ichaveko musi wa27 Kurume (Machi) muna 2011.

Census inoverenga munhu wose nekudonongora vagari vemunharaunda

Mamimiriro evagari vemunyika anogara achishanduka. Census inounganidza ruzivo rwemamiriro evagari vemunharaunda.

Chibatsiro kunharaunda nemhuri

Unofanira kuita census kuitira kuti zvinhu zvekushandisa nezvinodikanwa munharaunda/nemhuri zvizivikanwe. Zvekushandisa izvi zvinosanganisira zvikoro, zvipatara nezvinodikanwa kubatsira ipapo ipapo.

Census yakanakira kuti inopa nhoroondo

Munhu wose anofanira kuzvitunhidza kuti ane chikamu chekuita mucensus; unogona kuona nhamba/samhu dzacho. Census yeONS inoremekedzwa pasi rose.

Ratidza kuti ndiwe ani muna2011

Unozoziva kuti waita chikamu chako mukubatsira kuvaka ramangwana munharaunda yako.

Mhinduro dzeCensus yako dzinochengetedzwa dzisingaudzwe mumwe munhu`

Ruzivo rwako rwecensus harugoveranwe nemamwe mabato ehurumende, munyika yose, mudunhu kana munharaunda. Ruzivo runounganidzwa runochengetedzwa muchivande neONS uye runochengetedzwa pamutemo.

Ita census paindaneti (www.census.gov.uk)

Kuzadzisa mibvunzo yakanyorwa paindaneti kwakajeka, kwakareruka uye kwakachengetedzeka.

Kudzosa mibvunzo yakanyorwa yako yecensus zvinotarisirwa pamutemo

Kuita census zvinotarisirwa pamutemo: vanhu vashoma vasingazadzise mibvunzo yakanyorwa yavo yecensus vanogona kupiwa mhosva yokuti vanenge vatyora mutemo uye vanogona kunyorwa pasi kuti vakambowanikwa vane mhosva uyewo vanogona kuripiswa mari inosvika chiuru chepondo.

Census inotevera iri musi wa27 Machi

Mhinduro dzaunopa pamibvunzo yakanyorwa yako yecensus dzinofanira kunge dzine chekuita nemusi wa27 Machi kuitira kuti ONS igone kupa chokwadi chaicho chevagari vemunyika pazuva rimwe chete iroro.

Zvakajeka

Kuita census kwakajeka. Mibvunzo mizhinji inogona kupindurwa nekungorova, kana, kumaka mubhokisi.

Mibvunzo yakanyorwa yako yecensus inochengetedzwa pakahwanda

Ruzivo rwako runochengetedzwa nematanho mazhinji ekuhwandisa zvinhu.

Rubatsiro nerutsigiro rwuripo

Census yacho yakanyatsojeka. Rubatsiro nerutsigiro ruripo parubatsiro ruri paindaneti pawebhusaiti inoti www.census.gov.uk.
Pane rumwe ruzivo ruzhinji nemazwi anoenderana neruzivo runokosha. Unogona kuwana kopi yeizvi nekubata timu yevanogadzirisa zvinyorwa.