News / National
Xhaka obeseba imali ngomuthi
27 Oct 2018 at 18:22hrs | Views
BASELE benkemile abathengisa emsikeni elokitshini leMganwini koBulawayo kulandela ukubanjwa kwenye indoda akade bethengisa layo ebibatshontshela imali zabo isebenzisa umuthi.UMnumzana John Moyo uvezwe egcekeni ngeviki ephelileyo ngamalunga ebandla leJohane Masowe weChishanu ukuthi ulomuthi awuthatha kwenye inyanga eChipinge awusebenzisa ukutshontshela abanye athengisa labo imali zabo bengaboni.
UMnumzana Titos Shumba othengisa kule indawo ubikele intatheli ukuthi besebekhathele ngokucatshelwa zimali kodwa bengazi ukuthi zidliwa yini.
"Besisithi singathengisa sibale imali zethu kodwa sithi nxa sesitshayisa enye imali iyabe isinyamalele.
"Kwakungacaci ukuthi ithathwa ngubani saze sancedwa ngabebandla leMasowe abasithandazelayo sonke nje esithengisa duze lakoFood 4 less. Ngesikhathi besithandazela kwavela ukuthi ngomunye wethu osigangelayo," kulandisa uMnu Shumba.
"Umfana lo ulenyanga eyodwa eqale ukuthengisa i-airtime lapha kodwa umonakalo awenzileyo mkhulu. Kubuhlungu ngoba ubesitshontshela singazi esebenzisa umuthi.
"Abebandla basitshela ukuba umuthi awusebenzisayo wawuthatha enyangeni efuna ukunotha kodwa wayelaywe ukuthi ahlangane lonina emacansini kodwa kwamehlula ukuthi akwenze lokho, umuthi awuphiwayo wacina usuyiwo othatha imali kithi umnika.
"Ebuzwa ngakho kazange akulandule ngitsho," kubika uMnu Shumba.
Uqhubekele phambili eveza ukuba lokhe kwathandazelwa abantu endaweni le bazithengisela kuhle.
Intatheli ibuye yakhulumisana lomunye othengisa kule indawo oziveze ngokuthi nguMaMoyo nje kuphela, ovumileyo ukuba udaba lokutshontshelwa lwalubathwalise nzima.
"Umfana lo imali ayeyibamba ethengisa i-airtime kuphela yayisolisa kodwa sasingeke simqonde simbuze. Mhlalokho wathi esekhulekelwe watshelwa ukuba ayekele ukuganga ukucatshisa imali zabantu abazisebenzela nzima. Kulezinsuku kasalugxobi ekuthengiseni sokukhanya lathi esikwenzayo lemali ayisacatshi," kubika uNkszn Moyo.
"Bamtshela ukuba angaqhubeka ewusebenzisa umuthi wakhe uzalimala. Kungakho lokhu wacina ukubuya imali zethu kazisacatshi," kutsho uNkszn Moyo.
Iphephandaba likazulu lixhumane lalowo owabathandazelayo eMganwini umphurofethi Emmanuel Mutumwa oveze ukuba yena wayesiyanceda abantu beMganwini.
"Mina ngahamba ngisiyathandaza elokitshini leli ukuthi abantu bahlale kuhle kuphela, okunengi okwempilo zabantu angikho kukho.
"Nginceda abantu kuphela, akungivumeli ukuthi ngichaze impilo zabo emaphepheni," kutsho uMnu Mutumwa
Imizamo yokuxhumana loMnu Moyo onguye otshontshela abanye ngomuthi yehlule ngoba ababethengisa laye bathe kabalazo inombolo zakhe zocingo.
UMnumzana Titos Shumba othengisa kule indawo ubikele intatheli ukuthi besebekhathele ngokucatshelwa zimali kodwa bengazi ukuthi zidliwa yini.
"Besisithi singathengisa sibale imali zethu kodwa sithi nxa sesitshayisa enye imali iyabe isinyamalele.
"Kwakungacaci ukuthi ithathwa ngubani saze sancedwa ngabebandla leMasowe abasithandazelayo sonke nje esithengisa duze lakoFood 4 less. Ngesikhathi besithandazela kwavela ukuthi ngomunye wethu osigangelayo," kulandisa uMnu Shumba.
"Umfana lo ulenyanga eyodwa eqale ukuthengisa i-airtime lapha kodwa umonakalo awenzileyo mkhulu. Kubuhlungu ngoba ubesitshontshela singazi esebenzisa umuthi.
"Abebandla basitshela ukuba umuthi awusebenzisayo wawuthatha enyangeni efuna ukunotha kodwa wayelaywe ukuthi ahlangane lonina emacansini kodwa kwamehlula ukuthi akwenze lokho, umuthi awuphiwayo wacina usuyiwo othatha imali kithi umnika.
"Ebuzwa ngakho kazange akulandule ngitsho," kubika uMnu Shumba.
Intatheli ibuye yakhulumisana lomunye othengisa kule indawo oziveze ngokuthi nguMaMoyo nje kuphela, ovumileyo ukuba udaba lokutshontshelwa lwalubathwalise nzima.
"Umfana lo imali ayeyibamba ethengisa i-airtime kuphela yayisolisa kodwa sasingeke simqonde simbuze. Mhlalokho wathi esekhulekelwe watshelwa ukuba ayekele ukuganga ukucatshisa imali zabantu abazisebenzela nzima. Kulezinsuku kasalugxobi ekuthengiseni sokukhanya lathi esikwenzayo lemali ayisacatshi," kubika uNkszn Moyo.
"Bamtshela ukuba angaqhubeka ewusebenzisa umuthi wakhe uzalimala. Kungakho lokhu wacina ukubuya imali zethu kazisacatshi," kutsho uNkszn Moyo.
Iphephandaba likazulu lixhumane lalowo owabathandazelayo eMganwini umphurofethi Emmanuel Mutumwa oveze ukuba yena wayesiyanceda abantu beMganwini.
"Mina ngahamba ngisiyathandaza elokitshini leli ukuthi abantu bahlale kuhle kuphela, okunengi okwempilo zabantu angikho kukho.
"Nginceda abantu kuphela, akungivumeli ukuthi ngichaze impilo zabo emaphepheni," kutsho uMnu Mutumwa
Imizamo yokuxhumana loMnu Moyo onguye otshontshela abanye ngomuthi yehlule ngoba ababethengisa laye bathe kabalazo inombolo zakhe zocingo.
Source - uMthunywa
