News / Local
Uhlahlelwa ngehloka kubangwa inja
06 Nov 2012 at 00:23hrs | Views
IZAKHAMIZI zeTsholotsho esiqintini seNdlwapondo zibone ibhayisikopo yamahala lapho amadoda amadala ehlahlele enye kubangwa inja.
Isehlakalo lesi senzakale mhlaka 13 kunyanga edlule ngesikhathi umamangala uLenny Nkomo okungasatholakalanga iminyaka yakhe yokuzalwa evela kwesinye isigaba.
Umtshutshisi kucala leli uMnunzana Sizwe Ndlovu ubikele inkudla ye Tsholotsho kuyonale iviki ukuthi abasolwa laba uLani Sibanda (21) lo Tobias (20) baxabana lomamangala bebanga inja okwakumele ayihlawulele.
Kuzwakale ukuthi umamangala wayelesikwelede sabasolwa laba imali yenja engange R50. Kubikwa abasolwa laba bobabili balanda umamangala bethwele ihloka lengqamu.
Bafika bamhlahlela ubuso bebophe owangaphansi besithi uyabadelela ngoba engafuni ukubhadala isikwelede. Kuzwakale ukuthi omunye umsolwa wabona kungenelanga ukuhlahlela wasemgwaza ngengqamu lumuntu ehlombe.
Udaba lolu lwabikwa emapholiseni ngemva kokulaliswa kikamamangalj esibhedlela seTsholotsho. Ekuthonisisweni kwecala leli abasolwa laba batholakale belecala lokugwaza umuntu belenhloso yokumbulala.
Ngemva kokuzwa ubufakazi lobu umantshi uMnunzana uFritz Madida udlulisele phambili icala leli njalo kukhangelelwe ukuthi lizathonisiswa mhlaka 14 kuyonelinyanga.
Isehlakalo lesi senzakale mhlaka 13 kunyanga edlule ngesikhathi umamangala uLenny Nkomo okungasatholakalanga iminyaka yakhe yokuzalwa evela kwesinye isigaba.
Umtshutshisi kucala leli uMnunzana Sizwe Ndlovu ubikele inkudla ye Tsholotsho kuyonale iviki ukuthi abasolwa laba uLani Sibanda (21) lo Tobias (20) baxabana lomamangala bebanga inja okwakumele ayihlawulele.
Kuzwakale ukuthi umamangala wayelesikwelede sabasolwa laba imali yenja engange R50. Kubikwa abasolwa laba bobabili balanda umamangala bethwele ihloka lengqamu.
Bafika bamhlahlela ubuso bebophe owangaphansi besithi uyabadelela ngoba engafuni ukubhadala isikwelede. Kuzwakale ukuthi omunye umsolwa wabona kungenelanga ukuhlahlela wasemgwaza ngengqamu lumuntu ehlombe.
Udaba lolu lwabikwa emapholiseni ngemva kokulaliswa kikamamangalj esibhedlela seTsholotsho. Ekuthonisisweni kwecala leli abasolwa laba batholakale belecala lokugwaza umuntu belenhloso yokumbulala.
Ngemva kokuzwa ubufakazi lobu umantshi uMnunzana uFritz Madida udlulisele phambili icala leli njalo kukhangelelwe ukuthi lizathonisiswa mhlaka 14 kuyonelinyanga.
Source - uMthunywa
