News / Regional
Utshontsha ingcekeza kamalukazana
30 Jan 2015 at 16:52hrs | Views
KUDABA olusegudwini esigabeni sakoBhule eTsholotsho kulabaphurofethi beZayoni abafake elinye inina ihlazo esigabeni ngokulethesa umlandu wokweba isigqoko sikamalukazana walo kanye lokubutha ingcekeza yakhe andubana ekuse enyangeni.
Inina leli elivezwe ngokuthi nguMaMoyo nje kuphela kubukwa lenza ukuganga lokhu phakathi laphakathi kwenyanga kaMpalakazi ngomnyaka osanda kwedlula. Umfakazi oyisihlobo senina leli othande ukwaziwa ngokuthi nguMcebisi nje kuphela uncwebe uMthunywa indlebe ukuba kucatshangelwa ukuthi inina leli lalizama ukuloya umalukazana walo okungasatholakalanga ibizo lakhe.
"Ngokuboniswa kwamaZayoni afika ekhaya, kubikwa uMaMoyo wabona umalokazana wakhe esiya ngaphandle ngakho wasemlandela andubana abuthe incekeza yakhe wathatha lesigqoko sakhe wakusa enyangeni. Abaphurofethi laba kubikwa baveza ukuba uMaMoyo akamthandi umalokazana wakhe lo kungakho ke ubefuna ukumposa. Umalokazana lo loMaMoyo bebengabonanani vele bayingwe lenja.
"Umalukazana wasuka waya emsebenzini koBulawayo ngakho kwasekusala kufika iZayoni eziyizo ezahlahlula uMaMoyo. AmaZayoni la achaza ukutba inina leli lingumthakathi," kulandisa uMncedisi.
Umfakazi lo ubuye wathi umalukazana lo waxabana loninazala kabuhlungu ngenxa yesenzo lesi.
"Umalokazana lo wabizwa ukuze azebona abaphurofethi laba bekhipha imithi kaninazala lakanye wabuya. Waphumana loninazala esizwa konke okwakukhulunywa ngamaZayoni la ngonizala emphakathini," kuphetha uMncedisi.
USobhuku uMnumzana Stephen Ndlovu ohlala esigabeni esiseduze lakoBhule uthi kuliqiniso ukuba amaZiyoni la achaza ukuba uMaMoyo ungumthakathi.
"Udaba lokukhitshwa kwengcekeza le okubikwa yantshontshwa linina leli ngaluzwa sibili. Uhlupho engilalo yikuthi amaZiyoni la angiwethembi ngoba kungenzeka ukuthi alamanga.
"Mina angifuni lakubabona kwesami isigaba ngoba baxabanisa imndeni. Okunye njalo yikuthi babhadalisa abantu bona kumele bathandazele abantu mahala," kuphetha uMnu Ndlovu.
Inina leli elivezwe ngokuthi nguMaMoyo nje kuphela kubukwa lenza ukuganga lokhu phakathi laphakathi kwenyanga kaMpalakazi ngomnyaka osanda kwedlula. Umfakazi oyisihlobo senina leli othande ukwaziwa ngokuthi nguMcebisi nje kuphela uncwebe uMthunywa indlebe ukuba kucatshangelwa ukuthi inina leli lalizama ukuloya umalukazana walo okungasatholakalanga ibizo lakhe.
"Ngokuboniswa kwamaZayoni afika ekhaya, kubikwa uMaMoyo wabona umalokazana wakhe esiya ngaphandle ngakho wasemlandela andubana abuthe incekeza yakhe wathatha lesigqoko sakhe wakusa enyangeni. Abaphurofethi laba kubikwa baveza ukuba uMaMoyo akamthandi umalokazana wakhe lo kungakho ke ubefuna ukumposa. Umalokazana lo loMaMoyo bebengabonanani vele bayingwe lenja.
"Umalukazana wasuka waya emsebenzini koBulawayo ngakho kwasekusala kufika iZayoni eziyizo ezahlahlula uMaMoyo. AmaZayoni la achaza ukutba inina leli lingumthakathi," kulandisa uMncedisi.
Umfakazi lo ubuye wathi umalukazana lo waxabana loninazala kabuhlungu ngenxa yesenzo lesi.
"Umalokazana lo wabizwa ukuze azebona abaphurofethi laba bekhipha imithi kaninazala lakanye wabuya. Waphumana loninazala esizwa konke okwakukhulunywa ngamaZayoni la ngonizala emphakathini," kuphetha uMncedisi.
USobhuku uMnumzana Stephen Ndlovu ohlala esigabeni esiseduze lakoBhule uthi kuliqiniso ukuba amaZiyoni la achaza ukuba uMaMoyo ungumthakathi.
"Udaba lokukhitshwa kwengcekeza le okubikwa yantshontshwa linina leli ngaluzwa sibili. Uhlupho engilalo yikuthi amaZiyoni la angiwethembi ngoba kungenzeka ukuthi alamanga.
"Mina angifuni lakubabona kwesami isigaba ngoba baxabanisa imndeni. Okunye njalo yikuthi babhadalisa abantu bona kumele bathandazele abantu mahala," kuphetha uMnu Ndlovu.
Source - uMthunywa
