Entertainment / Celebrity
Ugcine ephuciwe isicoco uMiss Zimbabwe 'omubi'
11 Jun 2015 at 15:29hrs | Views
Ugcine ephuciwe ngokusemthethweni isicoco sokuba uMiss World Zimbabwe u-Emily Kachote okwaputshuka izithombe zakhe eshaya ngesudu yesele ngokusho kombiko.
UKachote uphucwe lesi sicoco ngokusemthethweni ngoLwesithathu wavulela isikhala obeyi-1st Princess u-Annie Matambu.
Kwisitatimende esikhishwe yibhodi elengamele isicoco sikaMiss Zimbabwe sithe uKachote waphula imigoma ehambisana nokuqhoqhobala lesi sikhundla.
"Sithanda ukwazisa izwe lonke ukuthi sesithathe isinqumo sokumphuca isicoco sakhe uMiss Emily Kachote sokuba uMiss Zimbabwe 2015.
Elinye lamaphephandaba lisanda kubika ukuthi izithombe zikaMiss Kachote zisanda kusabalala nasenkundleni yokuxhumana i-Whatsapp.
Lo mbiko uqhamuke ngemuva kokuba uMiss Kachote ezivumele ngokwakhe ukuthi nebala wazishutha izithombe ehamba buze," kufundeka isitatimende.
UMiss Kachote uthe lezi zithombe wazishutha ngesikhathi evakashele owabe eyisoka lakhe.
Kuzokhumbuleka ukuthi uMiss Kachote uke wachazwa njengoMiss Zimbabwe "omubi" ngeminye imithombo yezindaba ngaphambi kokuthi kuputshuke izithombe zakhe engagqokile.
Source - news24
