News / Local
Khoxo inyoka esitulweni somtshayeli emtshoveni
24 Jul 2015 at 17:11hrs | Views
KUMPICABADALA elokhu iyindaba esegudwini elokitshini leDulibadzimu edolobheni leBeitbridge kulomtshayeli womtshova olumtshaye lwameqa uvalo ngesikhathi ethi gwabu isivalo ebona esihlalweni sakhe kulenkalakatha yenyoka ithe khoxo, uMthunywa uyakuveza lokhu lamhlanje.
UMthunywa uzwe ukuba limbedumehlwana yenzakale kumaviki amabili edluleyo erenkini yakulelidolobho.
Abatshayeli bemitshova, owindi, abathengisi bezitaladeni kanye labagadi basele benkemile ngenyoka le abathi ibitshintsha umbala wayo izihlalele esitulweni sikamtshayeli andubana iphume inyamalale.
Inyoka le okucatshangelwa ukuthi yinhlathu kuzwakale ukuthi ibiphakathi kwemota kaDaniel Sarema (32).
USerema uthe kalankani ngesehlakalo esenzakala emoteni yakhe. Uveze ukuthi ngesikhathi ethola inyoka ihlezi emtshoveni wakhe wayephumile okwesikhatshana edinga izihambi.
"Angikwazi lami ukuthi inyoka le yavela ngaphi kodwa ngathi ngithi gwabu isivalo ukuze ngingene ngatshaywa luvalo ngibona into (inyoka) elemibala esihlalweni sami.
"Ngasuka ngesiqubu ngapha ngihlaba umkhosi okuyikho okwamangalisa abantu ababeseduzane bahle bathi mbo ukuze babone ukuthi ngangiboneni," kutsho uSarema.
Uqhubekele phambili esithi okumenza azidle amathambo engqondo yikhuthi lokhu engazwisisi ukuthi kwahamba njani njalo ubona angathi liphupho nje.
Omunye wabafakazi uMnumzana Efias Moyo ubikele uMthunywa ukuthi ngempela kuyisimanga njalo abantu kabalankani ngesehlakalo lesi.
Ubike ukuthi akulamuntu owaziyo ukuthi yinyoka bani kodwa abakunanzelelayo yikuthi yayilemibala eminengi njalo yayintshintsha njalonje.
"Sabizwa ngumkhosi owahlatshwa nguSarema ngesikhathi ebona inyoka le. Akula okwaziyo ukuthi ngumhlobo bani wenyoka ngoba yayilemibala eminengi njalo inkulu okumangalisayo," kuveza uMnu Moyo.
Kuzwakale ukuthi ngesikhathi abantu belokhu besakhuza umhlola lo umhamba phansi lo wangena ngaphansi kwesinye isitulo wanyamalala. Abantu bazama ukukhangelisisa ukuthi ingene ngaphi njalo iyenzani, kodwa phinde bayibone.
UMnu Sarema ubikele njalo intatheli ukuthi wathi ebona isiga lesi wabiza umnikazi wemota onguye owafika wayitshayela engatshaywa luvalo ngitsho.
"Imota yayingasiyo yami, bengisemsebenzini lami njengabanye. Angisoze ngikhulume indaba zabantu.
"Engizakwenza yikutshiya umsebenzi kuphela ngoba angisoze ngenelise ukuphinda ngisebenze endaweni enje."
UMthunywa uzwe ukuba limbedumehlwana yenzakale kumaviki amabili edluleyo erenkini yakulelidolobho.
Abatshayeli bemitshova, owindi, abathengisi bezitaladeni kanye labagadi basele benkemile ngenyoka le abathi ibitshintsha umbala wayo izihlalele esitulweni sikamtshayeli andubana iphume inyamalale.
Inyoka le okucatshangelwa ukuthi yinhlathu kuzwakale ukuthi ibiphakathi kwemota kaDaniel Sarema (32).
USerema uthe kalankani ngesehlakalo esenzakala emoteni yakhe. Uveze ukuthi ngesikhathi ethola inyoka ihlezi emtshoveni wakhe wayephumile okwesikhatshana edinga izihambi.
"Angikwazi lami ukuthi inyoka le yavela ngaphi kodwa ngathi ngithi gwabu isivalo ukuze ngingene ngatshaywa luvalo ngibona into (inyoka) elemibala esihlalweni sami.
"Ngasuka ngesiqubu ngapha ngihlaba umkhosi okuyikho okwamangalisa abantu ababeseduzane bahle bathi mbo ukuze babone ukuthi ngangiboneni," kutsho uSarema.
Uqhubekele phambili esithi okumenza azidle amathambo engqondo yikhuthi lokhu engazwisisi ukuthi kwahamba njani njalo ubona angathi liphupho nje.
Omunye wabafakazi uMnumzana Efias Moyo ubikele uMthunywa ukuthi ngempela kuyisimanga njalo abantu kabalankani ngesehlakalo lesi.
Ubike ukuthi akulamuntu owaziyo ukuthi yinyoka bani kodwa abakunanzelelayo yikuthi yayilemibala eminengi njalo yayintshintsha njalonje.
"Sabizwa ngumkhosi owahlatshwa nguSarema ngesikhathi ebona inyoka le. Akula okwaziyo ukuthi ngumhlobo bani wenyoka ngoba yayilemibala eminengi njalo inkulu okumangalisayo," kuveza uMnu Moyo.
Kuzwakale ukuthi ngesikhathi abantu belokhu besakhuza umhlola lo umhamba phansi lo wangena ngaphansi kwesinye isitulo wanyamalala. Abantu bazama ukukhangelisisa ukuthi ingene ngaphi njalo iyenzani, kodwa phinde bayibone.
UMnu Sarema ubikele njalo intatheli ukuthi wathi ebona isiga lesi wabiza umnikazi wemota onguye owafika wayitshayela engatshaywa luvalo ngitsho.
"Imota yayingasiyo yami, bengisemsebenzini lami njengabanye. Angisoze ngikhulume indaba zabantu.
"Engizakwenza yikutshiya umsebenzi kuphela ngoba angisoze ngenelise ukuphinda ngisebenze endaweni enje."
Source - umthunywa
