Latest News Editor's Choice


News / National

Jwamu imali kakhondekitha kaZupco

by Staff reporter
25 Jan 2022 at 17:42hrs | Views
KUCATSHANGELWA ukuba kuthe ngokuzwa indlala isihlasele lokuba lezikwelede, enye indoda yeZvishavane ijwamulele ukhondekitha wakoZupco imali, qede yacela ezinyaweni.

Kubikwa uListon Kubvoruno , oleminyaka engu-24 yokuzalwa utshontshele ukhondekitha lo iRTGS$8 000 le$US60 mhlaka 15 kulinyanga.

Lokhu kuzwakale phambi kukamantshi uArchie Wochiunga, emthethwandaba we-Zvishavane Magistrates Court.

Inkundla izwe ukuba mhlaka 15 Zibandlela, ngezikhathi zehola lesine emini, umamangala wayesemsebenzini emgwaqweni we-Buchwa oya eZvishavane.

Kubikwa umsolwa lomngane wakhe, uGift Ndavambi ongakabanjwa, bala ukubhadala ikhombi yakoZupco le, besithi baphethe iUS$2o kuphela.

Ikhombi yakoZupco ibiza iRTGS$7o.

Kubikwa ikhombi isifika kundawo ebizwa ngokuthi koZeruvi, uNdavambi wanikeza ukhondekitha iUS$213. Abasolwa bobabili bethusela ukhondakitha, bamtshaya ngempama, qede lapho bajwamula isikhwama semali.

Umantshi wedlulisele phambili ukuthethwa kwecala kumhlaka 8 Nhlolanja.


Source - uMthunywa